Lyst til å utvikle framtidas skule i Austevoll kommune?

Vi har ledig stilling som rektor ved Storebø barneskule

Kommunalområdet Oppvekst er ei eining med om lag 145 tilsette, og blir leia av kommunalsjefen. I denne eininga inngår Austevoll ungdomsskule, Storebø barneskule, Selbjørn barneskule, private barnehagar, PPT-kontor, helsestasjon, barnevern, vaksenopplæring, kulturskule og bibliotek. Oppvekst har som mål å leggja til rette for gode oppvekstvilkår for barn og unge, difor er folkehelse og livsmeistring eit av fleire satsingsområde.

Arbeidsstad
Storebø skule skal vere ein god stad å vera og ein god stad å læra. Skulen er ein Trivselsleiarskule kor vi har fokus på aktiv undervisning og uteskule. Skulen er den største barneskulen i Austevoll med rundt 300 elevar og ca. 50 tilsette. Skulen er plassert midt på Storebø, kommunesenteret i Austevoll kommune. Skulen er rehabilitert med nye klasserom, oppgradert uteområde og læraravdeling. Vi har felles skulelunsj ordning for 5. -- 7. trinn i elevkantine.

Vi søkjer deg som vil vere ein kompetent, open og engasjert skuleleiar i Austevoll kommune. Vi kan tilby eit inspirerande og mangfaldig fagmiljø der vi jobbar målretta for å skape gode oppvekstvilkår for elevane våre. Rektor rapporterer til kommunalsjef for oppvekst og inngår i denne sitt leiarteam

Arbeidsoppgåver

• Å leie skulen sitt leiarteam
• Å leie pedagogisk utviklingsarbeid
• Økonomiansvar
• Forvaltningsoppgåver
• Overordna personalansvar
• Å utvikle skulen som ein lærande organisasjon
• Samarbeid med politisk og administrativt nivå
• Tverrfagleg samarbeid

Kvalifikasjonar

Relevant høgare utdanning på høgskule-/universitetsnivå. Du må ha gode munnlege og skriftlege norskkunnskapar. I tillegg til undervisningskompetanse, god IKT-kompetanse og relevant leiarerfaring må du

• ha evne til å inspirere andre og bidra til arbeidsglede
• ha evne til å samarbeide, lytte, rettleie og skape gode relasjonar
• ha engasjement for eit godt læringsmiljø og kultur for læring
• vere løysningsorientert

Utdanning frå utlandet skal vere NOKUT-godkjent. I tråd med opplæringslova stiller vi krav om tilfredsstillande politiattest av den som får tilbod om stillinga.

Vi tilbyr

• Moglegheit for fagleg utvikling i eit godt og inspirerande arbeidsmiljø
• Leiarstøtte
• Gode pensjons- og forsikringsordningar og løn etter avtale

Stillinga er ledig frå snarast og etter avtale.

Vi gjer merksam på at i følgje offentleglova § 25, 2. ledd kan opplysningar om søkjaren verte offentleggjort sjølv om søkjaren har oppmoda om ikkje å bli ført opp på offentleg søkjarliste. Søkjaren vil alltid bli varsla på førehand dersom søkjarlista vert offentleggjort.