Stillingsinformasjon
Vi søkjer motiverte, fagleg engasjerte, sjølvstendige og interesserte medarbeidarar/ ferievikarar for sommaren 2019 til heimebaserte tenester. Heimetenesta treng assistentar, fagarbeidarar, miljøterapeutar, sjuke- og vernepleiarar som ferievikarar til følgjande tenesteområde:
- Heimesjukepleie og heimehjelp - sone 1 og 2
- Psykisk utviklingshemma - sone Stedje
- Psykisk helsearbeid - sone Sogndal
Arbeidsperioden vil vere i tida 17.06.2019 - 18.08.2019.
Ber om at følgjande vert oppgitt i søknaden:
- Kva område (heimesjukepleie/heimehjelp, psykisk utviklingshemma eller psykisk helsearbeid) du ønskjer å jobbe med.
- Perioden du kan jobbe.
Søkjarar som kan jobbe heile perioden vert prioriterte.
Krav til kompetanse
Alle søkjarar må:
- ha gode norskkunnskapar, både munnleg og skriftleg.
- vere fylt 18 år.
Fagutdanna og/eller studentar innan fagområdet vil bli prioriterte.
Lege- eller sjukepleiestudentar vil få følgjande årsløn ved innlevering av godkjent karakterutskrift:
Ferdig med 1. året: Min. 303.500,-
Ferdig med 2. året: Min. 364.300,-
Vi forventar elles:
Gode eigenskapar som evne til å arbeide sjølvstendig og samarbeide med andre. Du lyt vere oppteken av å yte god service og like utfordringar i ein travel kvardag. Det er ei føremonn med erfaring frå arbeid i kommunalhelsetenesta eller sjukehus.
Spesielle vilkår for stillinga
Dei som vert tilsett må leggje fram:
- Tuberkulose/MRSA-skjema, evt. tuberkulinattest av ny dato.
- Politiattest av ny dato.
Andre opplysningar
Alle søkjarar må skrive mobilnummer i feltet "Telefon/Mobil privat" i den elektroniske søknaden.
Vi tilbyr
Ein variert og god arbeidsplass der god service er ein sjølvfølgje.
Løn etter tariff jf. HTA, med unntak av lege- og sjukepleiestudentar.
For søknad
Bruk søknadsskjema som ligg til stillingsannonsen på vår heimeside: www.sogndal.kommune.no - ledige stillingar.
For spørsmål om søknadsskjema kontakt Tenestetorget tlf. Logg inn for å se kontaktinformasjon.
Dersom du skal søkje på fleire stillingar må du sende ein søknad pr. stilling.
Det er ikkje naudsynt å sende kopi av vitnemål, attestar, kursbevis m.m. Desse skal takast med ved eventuelt intervju eller sendast ved førespurnad.
Alle søkjarar vil få kvittering på at søknaden er motteken dersom de har fylt ut rett e-post adresse i søknaden og det er merka av for at ein ønskjer å motta informasjon om søknaden på e-post.
I skjemaet er det mogeleg å krysse av for at søknaden ikkje skal bli offentleggjort. Dersom du ynskjer at søknaden ikkje skal bli offentleggjort må du grunngje dette. Vi gjer merksam på at opplysningar om søkjarane likevel kan bli offentleggjorde, jamfør Offentleglova §25. Du vil då bli varsla om dette på førehand slik at du har høve til å trekkje søknaden din.
Adresse: Heimebaserte tenester