Den Norske Kirke Sokneprest i Indre Romsdal prosti med Voll og Vågstranda sokn som særleg tenestestad.

Org. nr: - Stillingsident: Logg inn for å se kontaktinformasjon14 Presentasjon av stillingen:

Det er ledig stilling som sokneprest i Voll og Vågstranda sokn i Rauma kommune i Indre Romsdal prosti.

Stillinga har sokna Voll og Vågstranda som særskilt arbeidsområde. Presten gjer også teneste i eit samarbeidsområde som geografisk fell samen med Rauma kommune. Heile Indre Romsdal prosti er tenestedistrikt. Soknepresten har for tida sete i dei to sokneråda Voll og Vågstranda. Dei andre to prestane har sete i henholdsvis Hen, Eid og Holm, Grytten, Kors og Øverdalen sokn. Alle prestane gjer teneste i heile samarbeidsområdet. Ein må også rekne med nokre tenester i prostiet for øvrig.

Det er kyrkjeverje i 100% stilling, 2 organistar i til saman 130% stilling, driftsleiar i 100% stilling, kontorsekretær i 40% stilling, diakon i 70 % stilling, trusopplæringsmedarbeidarar i 100 % stilling, prostesekretær, samt klokkarar og kyrkjetenarar i mindre deltidsstillingar. Prestane og dei fellesrådstilsette har kontor- og stabsfellesskap ved kyrkjekontoret i Åndalsnes.

Voll sokn, med om lag 1000 medlemmer, har kyrkje i Måndalen. Innfjorden bedehuskapell ligg og i soknet. Bedehuskapellet er eigd av Innfjorden bedehusforening. Det er ca. 25 gudstenester i året i Voll sokn. Vågstranda sokn, med om lag 395 medlemmer, har kyrkje på Vågstranda og har ca 10 gudstenester i året. Det vert regelmessig halde friluftsgudstenester i Innfjorden. Konfirmantundervisninga for dei 2 sokna er på Måndalen skule når den ikkje er i kyrkja. På bedehuset på Vågstranda har dei søndagsskule.

Det er god oppslutnad om dåp og konfirmasjon både i Voll og Vågstranda. Kyrkjelydane i Rauma har eit felles diakoniutval. Trusopplæring er organisert i begge sokna. Trusopplæringsmedarbeidarane er med i alle kyrkjelydane. Anna kyrkjebyggjande arbeid blir også gjort av uløna medarbeidarar. I kommunen har vi eit gospelkor for vaksne.

Organistane har eit nært samarbeid med andre song- og musikkutøvarar i gudstenester og til song- og musikkarrangement. I samarbeidsområda er det mange bedehus, der det fleire stader er god aktivitet. Samarbeidet mellom kyrkja, skulane og dei frivillige organisasjonane er positivt og godt.

I Åndalsnes ligg endestasjonen for Raumabanen med bussforbindelse til Molde og Ålesund. Næringsgrunnlaget er dominert av jord-/skogbruk, industri og reiseliv. Åndalsnes er kommunesenteret med kommuneadministrasjon, legesenter og butikkar og nytt helsehus. Kommunen har god barnehagedekning og har 6 kommunale barneskuler, 3 ungdomsskular, ein vidaregåande skule og ein privat barneskule. Det er også kommunal musikk- og kulturskule. I Rauma kommune er det aktive idrettslag og andre ulike lag og foreiningar.

Du er velkommen til å sende din søknad med CV, vitnemål og referansar til vårt elektroniske system, Webcruiter. Dersom du ikkje ønsker namnet ditt på den offentlege søkjarlista, må dette grunngjevast i søknaden. Grunnane vil bli vurdert individuelt. Dersom bispedømeadministrasjonen ikkje finn dei tilstrekkelege, vert søkjaren kontakta før søkjarlista vert offentleggjort.

Arbeidsoppgåver

• Soknepresten skal i tråd med "Tenesteordning for kyrkjelydsprestar" forvalte Ord og sakrament slik at kristen tru og liv vert fremja i kyrkjelydane.
• Soknepresten held gudstenester og forrettar kyrkjelege handlingar, deltar i dåps- og konfirmantopplæringa, utøver sjelesorg og vegleiing, samt anna forkynnararbeid.
• I samarbeidsområdet deler dei 3 prestane gudstenester og kyrkjelege handlingar mellom seg etter oppsett arbeidsplan og har ein godt innarbeidd tenesteveketurnus.
• Det vil så langt muleg bli teke omsyn til kompetanse, erfaring, interesser og nådegåver i fordeling av oppgåvene mellom prestane. Nynorsk er nytta i kyrkje og skule. Bokmål blir nytta i deler av kommunen.
• Alle prestar i prostiet går inn i beredskapsordning.

Kvalifikasjonar

• Vi søkjer etter ein prest som har evne til åndeleg og strategisk leiing. Det blir lagt vekt på gode kommunikasjons- og samarbeidsevner. Å sjå og oppmuntre medarbeidarar og vere med å løyse ut og utvikle tenestegåver hos andre blir sett som viktig, likeeins vilje til teambygging i arbeidet for å nå kyrkjelyden sine mål.
• Du må kunne arbeide med struktur og planlegging og like å samarbeide med stab, frivillige, sokneråd og fellesråd om planar og visjonar.
• Det er innført prøvetid på 6 månader for alle faste tilsette.
• Dei formelle kvalifikasjonskrava for tilsetjing som kyrkjelydsprest er å finne i "Forskrift om tilsetting av kyrkjelydsprest".
• Den som får tilbod om stillinga må legge fram barneombodsattest (politiattest), jfr Kyrkjelova §29, 2. ledd.
• Søkjarar som ikkje er ordinerte, vert bedne om å gjere greie for tilhøvet til programmet "Veien til prestetjeneste"(VTP). Ordinasjon føreset normalt fullført VTP.
• Søkjer må opplyse om han/ho beherskar begge målformer. Språkforma i kyrkjene er nynorsk.
• For å bli tilsett må ein ha sertifikat og kunne disponere eigen bil.
• Med heimel i arbeidsmiljølova §13-4.2. blir opplysningar om samlivsform innhenta og kan bli vektlagd.
• Møre bispedøme arbeider for å oppnå ei balansert alders- og kjønnssamansetjing og ynskjer å legg til rette for menneske med redusert funksjonsevne.
• Ordinert søkjar som er statsborgar i anna EØS-land vert gjort merksam på krav om attest som viser autorisasjon til presteteneste i Den norske kyrkja, gjeve av Kyrkjerådet, krav om medlemskap i Den norske kyrkja og krav om å beherske norsk språk, jr. Forskrift om tilsetting av menighetsprest §6.

Utdanningsnivå

• Cand.theol - profesjonsstudium teologi (etter 2004)
• Cand.theol - eksklusiv praktisk teologisk utdanning (før 2004)
• Anna utdanning godkjend av Kirkerådet

Personlege eigenskapar

• Personlege og faglege eigenskapar vil bli vektlagt.
• Skape godt samarbeid med ansatte og frivillige medarbeidarar.
• Evne til å komme i kontakt med folk og bygge nettverk.
• Formidle evangeliet til ulike aldersgrupper.

Vi tilbyr

• løn etter hovudtariffavtalen i KA, lønsgruppe 1555 sokneprest. Innskot i Statens pensjonskasse.
• godtgjersler og tilskot etter dei vilkår som til kvar tid er fastsette. Den som vert tilsett, må rette seg etter endringar i lover, tariffavtalar, særavtalar, reglement mv. og andre avgjerder som kan ha verknad på gjeremåla i tenesta.
• gode vilkår for kompetanseutvikling, arbeidsvegleiing (ABV) og andre former for vegleiing.
• eit godt samarbeid mellom staben i samarbeidsområdet, og mellom dei tilsette i prostiet. Prestane møtest regelmessig til kollega- og fagsamlingar.

Kontaktinformasjon

Alice Elnes, Personalsjef, Logg inn for å se kontaktinformasjon
Erling Nevland, Prost, Logg inn for å se kontaktinformasjon

Arbeidssted

Vollan 6
6300 Åndalsnes

Søk på stillingen:

Nøkkelinformasjon:

Arbeidsgiver:Den norske kirke

Referansenr.:Logg inn for å se kontaktinformasjon14 Stillingsprosent: 100% Søknadsfrist: 28.07.2019