Samnanger og Os interkommunale legevakt har ledig 80% fast stilling og 80% vikariat til 07.10.2020 i tredelt turnus for sjukepleiar. Delar av stillinga er med dagvakter på Moberg legesenter. Ledig frå 01.10.2019.
Arbeidsstad
Samnanger og Os interkommunale legevakt og Moberg legesenter Vi er samlokalisert med Ambulansetenesta og Brann og beredskap i Mobergsbakken 111 i Os.
Legevakta er ei døgnbemanna akutt-teneste. Med akutt hjelp meinast: "Den helsehjelp som helsetjenesten eller en helsearbeider er pliktig til å yte uten opphold eller snarest, når det etter de foreliggende opplysninger må antas at det er påtrengende nødvendig."
Moberg legesenter er eit fastlegesenter i Os kommune med tre fastlegar og ein LIS1. Legesenteret held til i dei same lokala som legevakta.
Arbeidsoppgåver
Legevaktsentralen svarar på telefonar frå innbyggarar i kommunane Austevoll, Fusa, Os og Samnanger. Vi er legevakt for Samnanger og Os kommune, der ein jobbar i team saman med lege- og ambulansepersonell. Du må kunne handtere pasientar både på legevakta og ute i kommunane. Oppgåva er triage av pasientar på telefon og ved frammøte, rådgjeving og å bistå ved behandling av pasientar. På Moberg legesenter vekslar ein mellom å jobbe i resepsjonen og på laboratoriet.
Stillingane inneber arbeid kvar fjerde helg.
Kvalifikasjonar
- du må ha autorisasjon som sjukepleiar.
- du må kunne jobbe sjølvstendig.
- du må kunne handtere akutte situasjonar.
- du må ha sertifikat, klasse B.
- vi legg særleg vekt på personlege eigenskapar.
Utanlandsk utdanning må vere NOKUT-godkjent.
Vi gjer merksam på at du må legge fram politiattest.
Vi tilbyr
- ein spanande og utfordrande arbeidsplass, godt tverrfagleg samarbeid.
- ein kvardag med variasjon, mangfald og kompleksitet.
- gode pensjons- og forsikringsordningar og løn etter avtale.
Vi arbeidar for å få etablert heiltidskultur i kommunen.
Adresse: Mobergsbakken 111,5200 Os