UiB - Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Video: https://www.youtube.com/watch?v=0E0cOZpZQXY
Stipendiat ved Det juridiske fakultet
Ved Det juridiske fakultet er det ledig ei mellombels stilling som stipendiat innan fagfeltet statsrett og knytt til forskargruppa for rettsstat. Tiltreding er 1. januar 2020, eller etter nærare avtale.
Normal åremålsperiode for stillinga er fire år med 25 prosent pliktarbeid. Åremålsperiode med pliktarbeid blir vurdert særskilt etter søkjaren sine kvalifikasjonar.
Om avhandlingsprosjektet
Prosjektet skal bidra til å kaste lys over rettsstatlege utfordringar knytt til aktørar som bruker og skaper rett i rettsstaten, historisk eller frå eit notidsperspektiv. Det er ønskjeleg, men er ikkje eit vilkår, at prosjektet inkluderer breiare historiske eller samfunnsvitskapelege perspektiv. For meir informasjon om interessefeltet for forskargruppa, sjå.
Prosjektskildringa bør vere på ca. 10 sider, og ho skal innehalde ein plan for gjennomføringa av prosjektet og forskarutdanninga. Prosjektet skal være relevant for europiske rettsforhold, enten ved å ta opp nasjonale problemstillingar (inkludert norske) eller internasjonale spørsmål av betydning for fleire europeiske land. Prosjektskildringa skal følgje dei krava til innhald som står i.
Kvalifikasjonar og eigenskapar:
- Du må ha mastergrad i rettsvitskap eller tilsvarande juridisk utdanning. Det er ein føresetnad at du har levert masteroppgåva innan søknadsfristen, og at mastergraden er oppnådd før tilsetjing kan skje
- Du må gjennom karakternivå og/eller skriftlege arbeid ha vist eit høgt fagleg nivå, som kvalifiserer for rettsvitskapleg arbeid
- Du må kunne arbeide sjølvstendig og strukturert
- Du må ha gode samarbeidsevner og evne til å bidra til utvikling av faget
- Du må ta aktivt del i utviklinga av eit godt fagmiljø
Om stipendiatstillinga og forskarutdanninga
Om stipendiatstillinga:Administrasjons- og undervisningsspråket på fakultetet sitt doktorgradsprogram er til vanleg norsk. Eventuell undervisning skal kunne gjennomførast innanfor dei obligatoriske emna i masterstudiet i rettsvitskap ved UiB.
Om forskarutdanninga:I tillegg til å fylle det generelle kravet for tilsetjing, må søkjarane fylle kravet for opptak på fakultetet sitt ph.d.-program.
Vi tilbyr:
- Eit godt og fagleg utfordrande arbeidsmiljø
- Løn etter lønssteg 54-59 (kode 1017/LR 20) ut frå relevant praksis. Dette ligg for tida i spennet mellom kroner 479 600,- og 523 200,-. Vidare opprykk skjer etter tenesteansiennitet.For særleg kvalifiserte søkjarar kan det bli aktuelt å vurdere høgare løn
- Medlemskap i Statens pensjonskasse
- Stilling i ei inkluderande arbeidslivsverksemd (IA-verksemd)
Søknaden skal innehalde:
- Prosjektskildring og gjennomføringsplan
- CV
- Kopiar av vitnemål og attestar
- Vitskaplege arbeid og liste over desse (publikasjonsliste)
- Søkjarar med utanlandsk utdanning må leggje ved offisiell dokumentasjon som viser kva for karakterar på vitnemålet som er på eit høgt fagleg nivå, og kva for kriterium som ligg til grunn for ei slik vurdering
- Søkjarar med utanlandsk utdanning må òg leggje ved sertifisert omsetjing til engelsk eller skandinavisk dersom originalvitnemålet, karakterutskriftene og tilleggsdokumentasjonen ikkje er på eit av desse språka. Søkjar må i tillegg leggje ved NOKUT si generelle godkjenning av at utdanninga samsvarer med norsk mastergrad. Sjå www.nokut.no for meir informasjon om generell godkjenning av høgare utdanning
Du må laste opp søknad og vedlegg i Jobbnorge via lenkje på denne sida merka <>.
Søknaden skal vere komplett innan søknadsfristen.
Generell informasjon:
Dei best kvalifiserte søkjarane vil bli kalla inn til intervju.
Utfyllande opplysningar om stillingane kan du få ved å vende deg til HR-rådgivar Anita H. Garden ved Det juridiske fakultet, tlf. Logg inn for å se kontaktinformasjon, e-post: Logg inn for å se kontaktinformasjon eller til prodekan for forsking Anne Marie Frøseth, tlf. Logg inn for å se kontaktinformasjon, e-post: Logg inn for å se kontaktinformasjon.
Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å få ei balansert alders- og kjønnssamansetjing og rekruttere personar med innvandrarbakgrunn. Personar med innvandrarbakgrunn og nedsett funksjonsevne blir oppmoda om å søkje stillinga.
Universitetet i Bergen nyttar meirinnsyn ved tilsetjing i vitskaplege stillingar.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teken til følgje, skal søkjaren varslast om dette.
Den som blir tilsett, må rette seg etter dei retningslinjene som til ei kvar tid gjeld for stillinga.
Nærare informasjon om tilsettingsprosessen kan du finne.
Livet som ph.d.-kandidat ved UiB
Astrid Nybø forteller om livet og arbeidshverdagen som ph.d.-kandidat ved UiB.
Video: https://www.youtube.com/watch?v=Eo3Z63yzkKA&list=PLf8ZIYfAO0qjhROTj6SthDbSScg0lSO6G&index=5
Se annonsen og søk på stillingen