Vi søkjer etter lærling i IKT-servicefag med oppstart etter avtale, men seinast 2.januar. Tilsetjinga er tidsavgrensa til læretida på 2 år og tar utgangspunkt i utdanningsprogram for service og samferdsel, læreplan i IKT-servicefaget/opplæring i bedrift. IT-avdelinga ved skulen består av ein systemansvarleg i 100% stilling, ein lærlingeansvarleg i 20% stilling og 2 lærlingar, der ein går 1.året som lærling og ein som går 2.året.
Vi tilbyr eit allsidig og godt arbeidsmiljø, med oppfølging, rettleiing, givande og spanande arbeidsoppgåver. Vi har moderne IT-løysingar (Microsoft, VMware, Cisco, HP, Lenovo) og profesjonelle samarbeidspartnarar.
Lærlingane vil mellom anna jobbe med følgjande arbeidsoppgåver:
IT-support / 1.linje helpdesk for tilsette og elevar
Installasjon, dokumentasjon og vedlikehald av skrivarar, maskiner og programvare
Installasjon, dokumentasjon og vedlikehald av infrastruktur
Utarbeide IKT-kurs og -materiell for brukarar
Anna arbeid etter læreplanen
Krav til kompetanse
Har fullført og greidd Vg2 IKT-servicefag
Har god fagleg kompetanse og er lærevillig
Kan jobbe sjølvstendig og er god til å samarbeide
Er postiv, serviceinnstilt og løysningsorientert
Om skulen
Ulstein vidaregåande skule ligg høgt og fritt i Høddvollområdet, nokre km frå sentrum av Ulsteinvik. Skulen har ca 550 elevar og har tilbod innan studiespesialisering og studiespesialisering med teknologi og innovasjon, idrettsfag, elektrofag, servise og samferdsel, TAF mekaniske fag og påbygging til generell studiekompetanse.
Skulen er ein del av ein allsidig og spennande region, der blant anna den maritime industrien står sterkt. Skulen har godt samarbeid både med lokalsamfunnet, det maritime miljøet og næringslivet elles. Flott natur, hav og fjell er innanfor korte reiseavstandar. Området har elles eit rikt kulturliv.
Vi tilbyr
Tilsettinga er elles på fylkeskommunale vilkår og i tråd med gjeldande lover, avtaler og reglement.
Mangfald
Vi har som mål å spegle mangfoldet i befolkninga. Alle med kompetansen vi etterspør er velkomne til å søkje ledig stilling hos oss.
Politiattest
Den som blir tilsett må levere politiattest jf.opplæringslova §10-9.
Søkjarliste
Vi gjer merksam på at søkjarlista kan bli offentleg sjølv om søkjar ber om anonymitet jf. Offentleglova § 25,2. Om dette blir tilfelle, vil vi ta kontakt med søkjaren før offentleggjering.
Søknad
Møre og Romsdal fylkeskommune nyttar elektronisk søknadsbehandling. Vi der difor om at du sender elektronisk søknad. Kallar vi deg inn til intervju, må du ta med deg originale vitnemål og attestar.
Kontaktpersonar
Jon Arne Garshol Haram, Ass.rektor, tlf: Logg inn for å se kontaktinformasjon, mobil: Logg inn for å se kontaktinformasjon, Logg inn for å se kontaktinformasjon
John Helge Grevstad, IT-ansvarleg Ulstein vgs, tlf: Logg inn for å se kontaktinformasjon, mobil: Logg inn for å se kontaktinformasjon, Logg inn for å se kontaktinformasjon