Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Video: https://www.youtube.com/watch?v=0E0cOZpZQXY
Bedriftssjukepleiar
Bedriftshelsetenesta består av lege, sjukepleiar, yrkeshygienikar, fysioterapeut og leder, og består universitetet i det systematiske HMS-arbeidet retta mot arbeidsmiljø, ytre miljø, organisasjon og enkeltindivid. Bedriftshelsetenesta ved UiB vil frå 01.01.2020 være organisert som ein eigen fagseksjon under HR-avdelinga, og det er lagt til rette for eit godt tverrfagleg samarbeid innan relevant helsefagleg, teknisk og organisatorisk kompetanse i eit internasjonalt arbeidsmiljø.
Bedriftssjukepleiarens arbeid er retta mot førebyggande medisin på organisasjonsnivå og mot enkeltindivid. Arbeidsmedisinsk spesialkompetanse på samanhengar mellom jobb og helse er difor nødvendig.
Arbeidsoppgåver:
- Helse- og arbeidsmiljøoppfølging på individ og organisasjonsnivå
- Førebyggande HMS-arbeid med eit helsefremmande perspektiv
- Klinisk pasientarbeid, sykefraværsoppfølging og IA-arbeid
- Rusførebyggande arbeid og oppfølging ved rus- og avhengighets-problematikk
- Kurs og opplæringsverksemd
Kvalifikasjonar og eigenskapar:
- Offentleg godkjend sjukepleiar
- Erfaring frå bedriftshelsetjeneste og systematisk HMS-arbeid vil bli vektlagt
- Kunnskap og erfaring innan psykososialt arbeidsmiljøarbeid vil bli vektlagt
- Vidareutdanning/master innan førebyggande/ helsefremmande arbeid er ynskjeleg
- Erfaring med kursverksemd er ynskjeleg
- Det er krav om god muntleg og skriftleg framstillingsevne på norsk og engelsk
- Erfaring frå sakshandsaming
Arbeidsoppgåvene set store krav til sjølvstende, initiativ og samarbeids- og kommunikasjonsevner. Personlege eigenskapar vil bli tillagt vekt.
Vi kan tilby:
- Spennande og utviklande arbeidsoppgåver i et sterkt fagmiljø
- Høve til fagleg og personleg utvikling
- Stilling som bedriftssjukepleiar (kode 0790) i lønssteg 60 - 65 (for tida kr 532 300 - 583 900) i det statlege lønsregulativet. For særleg kvalifiserte søkjarar kan det verte aktuelt å vurdere høgare løn.
- Medlemsskap i Statens pensjonskasse
- Gode velferdsordningar
Generell informasjon:
Utfyllande opplysningar om stillinga kan ein få ved å vende seg til: Gruppeleiar Bente Nilsen Hordvik tlf. nr. Logg inn for å se kontaktinformasjon e-post: Logg inn for å se kontaktinformasjon
For nærare informasjon om HMS-arbeidet ved Universitetet i Bergen, sjå
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.
Universitetet i Bergen nyttar utvida dokumentinnsyn ved tilsettingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Nærare om tilsettingsprosessen her.
Se annonsen og søk på stillingen