Nye Øygarden kommune Arealplanleggar plan,geodata og oppmåling

Kort om stillinga

Det vert no lyst etter to 100% faste stillingar som arealplanleggar for området Kultur og Samfunn.

Plan, geodata og oppmåling er ei eining under kommunalsjef for kultur og samfunn. Eininga har ansvar for både overordna planlegging, private reguleringsplanar, samfunnsplanlegging, statistikk og analyse, drift og utvikling av kommunen sine karttenester, oppmålingstenester og matrikkeføring. Nye Øygarden kommune står ovanfor store planoppgåver knytt til m.a. overordna planlegging. I tillegg er eininga sentral i kommunen si satsing på digitalisering og brukarmedverknad gjennom arbeidet med GIS/geodata og god formidling av statistikk og analyse.

Arbeidsoppgåver

Oppfølging og sakshandsaming av private reguleringsplanar, samarbeid og dialog med eksterne plankonsulentar og grunneigarar.

Samordning av kommunen sin fagkompetanse i plansaker og planprosessar i tilknyting til arealplanlegging.

Utarbeiding og oppfølging av offentlege arealplanar

Prosjektleiing og tverrfagleg samarbeid for å utvikle fagmiljøet i kommunen

Kvalifikasjonar for stillinga

Høgare utdanning innan t.d. geografi, naturforvalting, biologi, arkitekt, ingeniør, fysisk planlegging, regional planlegging,

Trafikkplanlegging, samfunnsøkonomi, folkehelse

Gode norsk-kunnskapar munnleg og skriftleg

Andre Krav

Utdanning innan samferdsle og trafikkplanlegging eller arkitektur og byutvikling

Relevante tilleggsutdanningar, t.d. innan prosjektleiing og planjuss

Ønskjeleg med erfaring frå stillingar i offentleg/privat verksemd med tilsvarande oppgåver

Personlege egenskaper

Ha gode samarbeidsevner

Vera strukturert og sjølvstendig

Evna til raskt å setja seg inn i nye oppgåver

Vera serviceorientert og god på samhandling

Søknad

Nye Øygarden kommune ber alle søkjarar å søkja på stillingar elektronisk. For ytterlegare informasjon og rettleiing kring søknadsprosessen ta kontakt med servicetorget på

tlf: Logg inn for å se kontaktinformasjon.

Arbeidstakarar vert tilsette i kommunen på dei vilkår som til ei kvar tid går fram av gjeldande lover, reglar og tariffavtaler.

Medlemskap i pensjonsordning. Administrasjonsmålet i kommunen er nynorsk.

Me gjer merksam på at jfr. Offentlighetsloven § 25 kan opplysningar om søkjar vert gjort offentleg sjølv om søkjar har oppmoda til ikkje verta ført opp i postjournal. Søknad om å verta unnateke offentligheita må vere grunngjeven. Dersom søknaden ikkje vert teken til følgje vil søkjar verta varsla om dette.

Den som vert tilsett må levera politiattest ikkje eldre enn 3 mnd

Rett kopi av attestar og vitnemål skal ikkje sendast inn, men vert teken med ved evt. intervju