Om stillinga
Ved Sosialantropologisk institutt (SAI) er det ledig ei fast 100 % stilling som studiekonsulent (SKO 1408 førstekonsulent). Studiekonsulenten får administrasjon av eit av programma ved instituttet som sitt særskilde arbeids- og ansvarsområde, truleg bachelorprogrammet i sosialantropologi. Andre oppgåver kan bli lagt til stillinga. Stillinga inngår i ei gruppe på 3 studiekonsulentar ved instituttet som jobbar tett saman.
Instituttet ser for tida på fordelinga av dei ulike studieprogramma mellom stillingane, slik at ein nærare omtale av ansvarsområde vil først vera klar til å bli presentert på intervjutidspunktet.
SAI har tre studieprogram i sosialantropologi; BA, MA og PhD, i tillegg til ein fellesgrad på PhD med fire europeiske partneruniversitet.
Instituttet har rekruttering av studentar som særskilt satsing. Innanfor dette jobbast det med eit prosjekt for å auke mangfaldet i digitale undervisnings- og evalueringsformer på programma våre. Instituttet har engasjerte studentar og ei aktiv Alumni-foreining.
Sentrale arbeidsoppgåver
- Planlegge undervisning og eksamensavvikling saman med undervisningsleiar og dei emneansvarlege
- Administrere opptak til emner og seminargrupper
- Administrasjon av eksamen
- Førebu saker til programrådet og følgja opp vedtaka
- Studierettleiing
- Informasjonsarbeid - utforming og vedlikehald av informasjon på programmet sine nettsider
- Stillinga krev ein ekstra innsats i periodar med stor arbeidsmengde, og andre oppgåver kan bli lagt til stillinga
Kvalifikasjonskrav
- Utdanning frå universitet eller høgskule, gjerne med samfunnsvitskaplege fag i fagkretsen, minimum tilsvarande bachelorgrad. Dokumentert realkompetanse kan erstatta utdanningskravet.
- Erfaring frå studieadministrasjon innan universitet- og høgskulesektoren.
- Erfaring med elektroniske verktøy som arbeidsreiskap.
- God skriftleg og munnleg framstillingsevne på norsk og engelsk er ein føresetnad
Ein vil leggja vekt på erfaring frå eksamensadministrasjon eller rekrutteringsarbeid, i tillegg til digital kompetanse og/eller erfaring med administrasjon av varierte undervisnings- og eksamensformer.
Personlege eigenskapar
- Gode samarbeids- og kommunikasjonseigenskapar
- Evne til å jobbe strukturert, analytisk og med stor arbeidskapasitet
- Evne til å handtere og organisere mange oppgåver samstundes
- Engasjement og initiativrikdom
Vi tilbyr
- Løn som førstekonsulent (SKO 1408) kroner 464 000 - 523 200, avhengig av kompetanse
- Eit hyggeleg arbeidsmiljø og utfordrande arbeidsoppgåver
- Fleksibel arbeidstid, trening i arbeidstida og gode velferdsordningar
- God pensjonsordning og gunstig lån i Statens Pensjonskasse
Søknaden skal innehalde
- Søknadsbrev
- CV
- Relevante vitnemål, attestar, liste med 2-3 referansar (namn, tilknyting til søkjar, e-postadresse og telefonnummer)
Søknad med vedlegg må sendast inn via rekrutteringssystemet vårt, Jobbnorge.
Andre opplysningar
Aktuelle søkjarar vil bli kalla inn til intervju.
I høve til offentleglova § 25, 2. ledd kan opplysningar om søkjaren bli offentleggjorde sjølv om søkjaren har bede om ikkje å bli oppført på søkjarlista.
UiO har eit personalpolitisk mål om å oppnå ei balansert kjønnssamansetjing og rekruttere personar med innvandrarbakgrunn. Eventuelt ved leiarstilling med mindre enn 40 % kvinnedel oppmodast kvinner særskild til å søkje.
I tillegg ønskjer UiO at medarbeidarane våre i størst mogleg grad speglar mangfaldet i befolkninga. Vi oppmodar difor kvalifiserte søkjarar med redusert funksjonsevne til å søkje stillinga. Somvil vi leggje til rette for medarbeidarar med nedsett funksjonsevne.
Kontaktinformasjon
Tittel:
Se annonsen og søk på stillingen
