Om avdelinga
Familie- og oppvekstavdelinga arbeider med politikkutvikling og forvalting på familie- oppvekstområdet. Ansvaret til avdelinga er på områda barne- ungdoms- og familiepolitikk. Mellom anna arbeider avdelinga med barne- og familierett, spørsmål om sosiale skilnader og vald mot barn og unge, forvalting av tilskottsordningar og dei sentrale overføringsordningane til barnefamiliane (no om lag 40 mrd. kroner). Avdelinga har tre seksjonar: seksjon for familiepolitikk og overføringar til barnefamiliane, seksjon for barne- og familierett og seksjon for oppvekst og førebygging.
Om stillinga
Vi søkjer etter samfunnsøkonom/siviløkonom til seksjon for familiepolitikk og overføringar til barnefamiliane. Innretninga av familiepolitikken er viktig for utviklinga av det norske samfunnet og for norsk økonomi. Ordningar for barn og familiar legg til rette for god bruk av arbeidskraftressursane, påverkar utvikling av velferdsstaten og legg føringar for korleis den einskilde familie innrettar liva sine. Seksjonen arbeider med foreldrepengeordninga, eingongsstønad, kontantstøtte og barnetrygd og familiepolitiske spørsmål meir generelt. Seksjonen har ansvaret for å rettleie avdelinga i samfunnsøkonomiske vurderingar, òg for å utvikle det faglege samfunnsøkonomiske arbeidet. Til seksjonen ligg også det overordna ansvaret for arbeidet med statsbudsjettet i avdelinga og oppgåver med styring av underliggjande etatar.
Det er i statsbudsjettet dei viktigaste føringane for verksemda i departementa blir lagt. Du vil få oppgåver med å utarbeide statsbudsjettet, mellom anna arbeid med satsingsforslag, førebuing og oppfølging av regjeringas budsjettkonferansar og forvalting av ordningane for barnefamiliane. Du vil få utgreiings- og analyseoppgåver om samfunnsøkonomiske effektar av dei virkemidlane avdelinga rår over. Politikken gjennomførast mellom anna i samarbeid med underliggande etatar, og det ligg til stillinga å bidra i arbeidet med styringa av dei.
Vi søkjer deg som
- Har utdanning på masternivå i samfunnsøkonomi eller er siviløkonom
- Har evne til å bruke økonomifaget på politiske og praktiske problemstillingar
- Er positiv, løysingsorientert og liker å samarbeid med andre
- Er grundig og nøyaktig i arbeidet ditt
- Tar ansvar og har god gjennomføringsevne
- Har evne og vilje til å tilpasse deg skiftande oppgåver og eit tidvis høgt arbeidspress.
- Har interesse for departementet sine arbeidsområde
- Kan uttrykkje deg godt skriftleg og munnleg på norsk og engelsk
Vi tilbyr
- Spennande og fagleg utfordrande arbeidsoppgåver med gode høve til eigenutvikling
- Høve til samarbeid med ulike faggreiner og samarbeidspartar
- Eit godt arbeidsmiljø med engasjerte og dyktige kollegaer
- Fleksibel arbeidstidsordning
- God pensjons- og forsikringsordning gjennom Statens pensjonskasse
Stillinga er plassert i stillingskode som førstekonsulent/rådgjevar med lønnsspenn frå kr 456 400 til kr 610 000. For stillinga som rådgjevar krevjast minst to års relevant arbeidsrøynsle.
Andre opplysningar
- Vi ber om at attestar og vitnemål leggjast ved søknaden
- Vi gjer merksam på at opplysningar om søkjaren kan bli offentleggjort, sjølv om søkjaren har bedd om å bli unntatt offentlegheit. Søkjaren vil i slike døme bli informert før offentleggjering
Har du spørsmål?
Kontaktperson for stillinga er avdelingsdirektør Ragnhild Savina Berg Astad på tlf. Logg inn for å se kontaktinformasjon eller på Logg inn for å se kontaktinformasjon
BFD som arbeidsgjevar
BFD ynskjer som arbeidsgjevar å spegle mangfaldet i samfunnet. Difor oppmodar vi alle kvalifiserte kandidatar uavhengig av bakgrunn, til å søkje jobb i departementet. Departementet jobbar for å realisera regjeringas inkluderingsdugnad om at 5 % av nye tilsettingar i staten skal være personer med nedsett funksjonsevne eller hol i CV-en. Opplysingar om det kan bli brukt til registreringsformål. Vi sørgjer for tilrettelegging på arbeidsplassen dersom det er behov for det.
Se annonsen og søk på stillingen
