Tokke Kommune Sentraladministrasjon 100% fast stilling som Miljøterapeut ved for tida Oppvekst, kultur og idrettsetaten frå 10.08.20 ID 655

Tokke kommune er ein kraftkommune som ligg i nordenden av Telemarkskanalen og har 2220 innbyggjarar. Frå kommunesentret på Dalen er det om lag same lengde til Stavanger som Oslo. Ynskjer du å busetje deg midt mellom aust og vest, er Tokke staden. Kommunen er rik på kultur og lange tradisjonar innan industri, gruvedrift, jord- og skogbruk. I dag har kommunen òg verksemder som er tufta på høg kompetanse. Kommunen som går frå 72 moh til 1537 moh, har gode friluftstilhøve ein kan nytte heile året.

MILJØTERAPEUT ID 655

Tokke kommune, OKI-etaten, har ledig 100% fast stilling som miljøterapeut frå 10.08.20.

Kommunen har to skular, Tokke skule og Høydalsmo skule, med høvesvis 195 og 65 elevar. Skulane i Tokke er opptekne av å vera ein inkluderande skule for alle, og ha eit godt skulemiljø med mange aktivitetar for elevane. Tokke deltek i statleg satsinga IBSM.

Miljøterapeuten vil arbeide opp mot både Høydalsmo og Tokke skule. Omfang på kvar av skulane vil variere gjennom skuleåret. Stillinga er organisatorisk lagt til Tokke skule.

Arbeidsoppgåver

• Det vil vera oppgåver knytt til det å jobbe med sosiale aktivitetar og skulemiljø for alle elevane på skulen..

• Det vil også vera oppgåver knytt til oppfylging av elevar med særskilde behov.

• Vera ein god støttespelar for elevar i skulekvardagen.

• Samarbeide med ulike team og aktører i skulen.

• Arbeide aktivt med skulemiljøet til elevane.

• Arbeide med ulike aktivitetar i fylgje årshjulet til skulen.

• I skulens feriar vil miljøterapeuten få andre oppgåver i etaten, relatert til born og ungdom.

• Andre arbeidsoppgåver kan bli lagt til stillinga

Kvalifikasjonar

• Relevant høgskule- eller universitetsutdanning på minst bachelor nivå (eks. vernepleiar, sosionom eller barnevernspedagog)

• Erfaring frå arbeid med barn og ungdom med særskilde behov er ynskjeleg.

• Vi legg stor vekt på erfaring og at ein er eigna for stillinga.

Personlege eigenskaper

• Du likar å arbeide med ungdom.

• Er flink til å bygge relasjonar opp mot elevane.

• Du likar å arbeide i team/grupper og samarbeider godt.

• Du er fleksibel og har lett for å omstille deg.

• Du er robust og handterar utfordrande situasjonar.

• Du har godt humør.

• Kan ta initiativ og arbeide sjølvstendig

Vi tilbyr:

Ein spanande og variert skulekvardag saman med flotte elevar og vaksne Utfordrande arbeidsoppgåver i ein service- og utviklingsorientert etat

Eit godt arbeidsmiljø

Gode forsikrings- og pensjonsordningar

Det vil bli lagt vekt på personlege eigenskapar. Den som får stillinga må ha førarkort og bil til disposisjon i arbeidet.

Aktuelle søkjarar vert kalla inn til intervju. Dei som vert tilsett, må leggje fram politiattest, før ein kan ta til i jobben.

Ynskjer ein meir informasjon kan ein ta kontakt med rektor ved Tokke skule, Tone Lunde Skaalen, e-post: Logg inn for å se kontaktinformasjon eller mob.: Logg inn for å se kontaktinformasjon

I samsvar med Offentleglova §25 kan namn på søkjarane offentleggjerast. Søknad vert å sende på elektronisk skjema, sjå www.tokke.kommune.no, menyval ledige stillingar.

Søknadsfrist: 5. mars 2020

Velkomen som søkjar!