Om stillingen
Ved Meteorologisk institutt er det ledig fast stilling som rådgjevar i vêrvarslingsdirektøren sin stab. Stillinga rapporterer til vêrvarslingsdirektøren og kontorstad er Oslo. Meteorologisk institutt er lokalisert på Blindern, med kort veg til offentleg transport.
Meteorologisk institutt har ansvaret for den sivile og militære meteorologiske tenesta i Noreg. Stillinga som hovudkontakt mot Forsvaret (PoC - Point of Contact) har ansvar for koordinering av militære saker ved Meteorologisk institutt.
Ansvar og arbeidsoppgåver vil i hovudsak vere planlegging, utvikling og sentral koordinering av den militære meteorologiske tenesta.
Eit vesentleg ansvarsområde vil vere å halde seg oppdatert på og vedlikehalde planverk og andre styrande dokument som regulerer samarbeidet mellom Meteorologisk institutt og Forsvaret i fred, kriser og krig, og dessutan oppretthalde løpande kontakt med Forsvaret. Stillinga har ei rådgjevande og bestillande rolle og skal delta i arbeidet med totalforsvarssaker internt på MET.
Arbeidsoppgaver
- ansvar for å følge opp avtalar, planverk og styrande dokument for MET sine plikter overfor Totalforsvaret og NATO
- følge opp og koordinere den meteorologiske tenesta for Forsvaret
- vere MET sin hovudrepresentant i sekretariatsgruppa mellom MET og Forsvaret
- bidra i utviklinga av ei meteorologisk teneste og beredskapsfunksjon for Totalforsvaret som møter komande behov og utfordringar
- arbeide tett med vêrvarslingsdirektøren
- inngå i risiko-, sikkerheit- og beredskapsarbeidet på MET og bidra til heilheitleg risikostyring i divisjonen
- vere MET sin representant i nasjonale og internasjonale sivile og militære meteorologiske arbeidsgrupper og møte etter nærare avtale.
- foreslå og bestille utvikling av produkt og tenester for Forsvaret og divisjonen
- koordinere MET si deltaking på øvingar i regi av Forsvaret og NATO
- andre fagleg relevante aktivitetar
Kvalifikasjonskrav
- høgare utdanning, master eller tilsvarande, helst med spesialisering i meteorologi
- god formuleringsevne, munnleg og skriftleg i norsk og engelsk
- ein fordel med erfaring/god kjennskap til operativt vêrvarslingsarbeid, MET generelt eller god kjennskap til Forsvaret
- generelle kunnskapar i bruk av moderne IT-hjelpemiddel
- evne til sjølvstendig arbeid og til å ta initiativ
- samarbeidsevne, vilje til teamarbeid
- ein fordel med erfaring frå administrasjon og arbeid i prosjekt
- evne og vilje til å medverke til profilering av Meteorologisk institutt sine produkt, tenester og forsking mot Totalforsvaret
Vi tilbyr
- løn som rådgjevar eller seniorrådgjevar etter kvalifikasjonar. Lønsspenn frå kr 456 400 -615 900 per år. For spesielt kvalifiserte vil anne lønsplassering vurderast
- faglege utfordringar på eit område som er viktig og nyttig for samfunnet
- høve til eigenutvikling
- eit moderne teknologisk miljø som arbeider tett på forskingsfronten
- nasjonal og internasjonal reiseverksemd må ventast.
- medlemskap i Statens pensjonskasse som har gode pensjons- og bustadlånsordningar
- 6 månadar gjensidig prøvetid
Tilleggsinformasjon
Det vert kravd tryggleiksklarering for hemmeleg nivå for tilsetting i stillinga.
Vi legg vekt på mangfald og oppfordrar derfor alle kvalifiserte til å søke jobb utan omsyn til alder, kjønn, funksjonsevne, nasjonal eller etnisk bakgrunn. MET deltek i statens inkluderingsdugnad og har som mål å få fleire med hol i CV-en eller nedsett funksjonsevne ut i arbeid. Opplysningar om hol i CV eller nedsett funksjonsevne kan brukast til rapporteringsføremål.
Dersom ein søkar ynskjer å reservere seg frå ei offentleg søkarliste, må dette grunngjevast. Opplysningar om søkaren kan bli offentleggjort sjølv om søkaren har bede om ikkje å bli oppført på søkarlista. Dersom ynskt reservasjon ikkje blir teken til følge, vil søkaren bli varsla om dette før offentleg søkarliste blir utforma.
For fleire opplysningar om stillingane, kontakt vêrvarslingsdirektør Bård Fjukstad, tlf. Logg inn for å se kontaktinformasjon eller assisterande vêrvarslingsdirektør Eivind Martinsen tlf. Logg inn for å se kontaktinformasjon.
Se annonsen og søk på stillingen