Høgskulen i Volda St. nr. 45/2021 Førsteamanuensis/førstelektor/høgskulelektor ved Institutt for Sosialfag

Ved Høgskulen i Volda, Avdeling for samfunnsfag og historie, er det ledig ei heil fast stilling som  førsteamanuensis/førstelektor/høgskulelektor i sosialt arbeid. I stillinga er det oppstart etter avtale, men seinast 1.januar 2022. Stillinga er ved Institutt for sosialfag, og primært ved bachelorutdanninga i sosialt arbeid - sosionom. 

Institutt for sosialfag arbeider med undervisning, forsking og formidling innanfor sosial- og helsefeltet.   

Søkarar bør ha utdanning som sosionom, masterutdanning i sosialt arbeid eller liknande og klinisk kompetanse innan sosialt arbeid.

I tillegg er relevant vidareutdanning, t.d. i kognitiv terapi, familieterapi, rus, psykisk helse også ønskjeleg.

Søkjarar med anna relevant helse- og sosialfagleg grunnutdanning og masterutdanning kan også søke på stillinga.

Relevant praksis frå sentrale yrkesarenaer for sosialt arbeid, som t.d. rusfeltet, psykiatri, Nav/sosialkontor og liknande vil bli lagt vekt på.

For tilsetjing i stilling som høgskulelektor eller førstelektor, må den som vert tilsett ha dokumentert relevant praktisk-pedagogisk kompetanse på grunnlag av utdanning eller undervising og rettleiing. 

For stillingar som førsteamanuensis viser vi til:

Høgskulen i Volda sine krav til .

Søkjarar til stilling som førsteamanuensis vil ikkje bli rangert på bakgrunn av pedagogisk basiskompetanse, men vurderte. Søkjarar til stilling som førsteamanuensis, som ikkje innfrir krava til pedagogisk basiskompetanse, kan bli tilsett som førsteamanuensis med vilkår om innan to år å opparbeide kompetansen. Det vil bli gitt tilbod om opplæring/kurs/emne for å oppnå pedagogisk basiskompetanse.

Institutt for sosialfag er kontinuerleg i prosess med å utvikle studietilboda, og det er tett samarbeid mellom dei tilsette. Den som søkjer må ha gode samarbeidsevner, vere utviklingsorientert og ha god formidlingsevne skriftleg og munnleg.  

Undervisningsspråket er norsk, og søkjaren må kunne norsk skriftleg og munnleg. Kontorstaden er ved Høgskulen i Volda.  

Søkjar må dokumentere eigen kompetanse: utdanning, relevant arbeidserfaring, undervisningserfaring og ev. forsking/utviklingsarbeid. 

Arbeidsoppgåvene er undervisning, rettleiing, vurdering og fagadministrativt arbeid. Utdanningane ved instituttet er inne i ein omstillingsprosess som kan ha konsekvensar for arbeidsoppgåvene i stillinga.  

Vi tilbyr eit spennande arbeidsmiljø med høve til fagleg og personleg utvikling, og gode pensjonsordningar. Det er gode vilkår for forsking ved Høgskulen i Volda, og informasjon om støtteordningar finn du  Høgskulen i Volda har mange forskingsgrupper, informasjon om dei finn du

Stillinga er løna etter kompetanse og kvalifikasjonar i statens lønsregulativ med normal årsløn i desse stillingskodene ved Høgskulen i Volda:  :Førsteamanuensis 1011/førstelektor 1198 frå kr 586 500 – 708 000/ høgskulelektor 1008 frå kr 490 600 - 682 000.

Ved Høgskulen i Volda er vi opptatt av mangfald. Medarbeidarar med ulik livserfaring vil gjere oss i stand til å finne  gode løysingar på vårt arbeid. Vi oppmodar difor alle til å søke stillinga utan omsyn til alder, kjønn, funksjonsevne eller etnisk bakgrunn. Du er også velkommen til å søke sjølv om du ikkje kan vise til ei samanhengande yrkeskarriere. Lokala er universelt utforma, og vi legg tilhøva til rette for personar med nedsett funksjonsevne.

Dersom du har nedsett funksjonsevne, innvandrarbakgrunn eller hol i CV kan du bli positivt særbehandla om du kryssar av for dette når du søker stillinga. Vi vil invitere minst éin kvalifisert søkar i kvar av desse gruppene til intervju. For å bli positivt særbehandla på denne måten, må du oppfylle visse krav. Les meir om dette på

Tilsetjing skjer på dei vilkåra som følgjer av lov om offentlege tenestemenn, regulativ, reglement og instruksar som til ei kvar tid gjeld for stillinga, mellom anna lovfesta innskot i Statens pensjonskasse.

Aktuelle kandidatar vert innkalla til intervju. Søkjarar som vert kalla inn til intervju, må ta med originalar av vitnemål og attestar for å dokumentere dei elektronisk innsende vedlegga.

Alle som søker stillinga må søke digitalt gjennom rekrutteringsportalen Jobbnorge. Du må laste opp relevante vitnemål og attestar. Vi gjer merksam på at søknaden blir vurdert ut frå informasjon som ligg føre ved utløp av søknadsfristen.

Det er viktig at du viser korleis din kompetanse fyller kriteria for stillinga

Offentleg søkarliste blir utarbeidd etter at søknadsfristen er ute. Dersom du ønsker å reservere deg frå oppføring på offentleg søkarliste, må dette grunngjevast i Jobbnorge. Du vil bli varsla om reservasjon ikkje blir tatt til følge.

Følgjande dokument/filer skal leggjast ved den elektroniske søknaden:

-         vitnemål og attestar, samla i ei fil

-          CV

-          fullstendig publikasjonslise over alle vitskapelege arbeid

-          inntil 10 vitskapelege arbeid, inkludert master-/hovudfagsoppgåve og doktorgradsavhandling 

Dei faglege og pedagogiske kvalifikasjonane til søkjarane blir vurderte av sakkunnig utval etter krava i  Forskrift om ansettelse og opprykk i undervisnings- og forskerstillinger og høgskulen sine interne retningslinjer for pedagogisk basiskompetanse.  Alle innkomne søknader blir først vurderte av avdelinga. Søknader frå søkarar som klart ikkje er kvalifiserte, blir ikkje sende vidare til vurdering i sakkunnig utval. 

Nærare opplysningar om stillinga kan ein få ved å vende seg til instituttleiar Knut Hunnes, tlf. Logg inn for å se kontaktinformasjon, e-post: Logg inn for å se kontaktinformasjon eller til dekan Randi Bergem, tlf. Logg inn for å se kontaktinformasjon Logg inn for å se kontaktinformasjon

Institutt for sosialfag er eit institutt ved Avdeling for samfunnsfag og historie. Basis for utdanningstilboda er to bachelorutdanningar i sosialt arbeid: barnevernspedagog og sosionom, med meir enn 300 studentar fordelte på tre studieår. Instituttet tilbyr også mastergradutdanning i helse- og sosialfag, med vel 100 studentar fordelte på ulike emne. Tre av dei valfrie emna i mastergraden er også  vidareutdanningar: ‘Rus som kulturelt og sosialt fenomen’, ‘Leiing i helse- og sosialtenestene’ og ‘Politikk, folkehelse og livsløp’. Eitt av dei obligatoriske emna i mastergraden, ‘Meistring og myndiggjering, samhandlingsperspektivet, vert tilbydd også som vidareutdanning. Instituttet har også vidareutdanningstilbod på bachelornivå, som t.d. helserett. Alle masterutdanningane og vidareutdanningstilboda er samlingsbaserte. Institutt for sosialfag har omlag 600 studentar i ulike studieløp. 

I samarbeid med Høgskolen i Molde driv Høgskulen i Volda ph.d.-programmet ‘Profesjonsutøving - vilkår og utvikling’. Ved HVO er ph.d.-programmet lagt til Institutt for sosialfag. ‘Master i helseleiing’ er ein fellesgrad i samarbeid mellom NTNU, Høgskolen i Molde og Høgskulen i Volda.  

Avdeling for samfunnsfag og historie har undervisningsansvar for omlag 1100 studentar, fordelt på tre institutt: Institutt for planlegging, administrasjon og skuleretta samfunnsfag (IPAS), Institutt for sosialfag (ISF) og Historisk institutt (HI).

Midt mellom fjord og fjell på spektakulære Sunnmøre finn du Høgskulen i Volda, med sine lange tradisjonar.

Les meir på