Kloden vår ropar etter klimatiltak, og FN sine berekraftsmål, syner tydeleg at fornybar energi er ein avgjerande del av løysinga.
I SFE Produksjon sine 26 kraftstasjonar gjer vi kvar dag rein vasskraft om til fornybar energi, og vi er i ferd med å auke bidraget vårt gjennom bygging av nye vind- og vasskraftverk.
SFE Produksjon har for tida ein stor portefølje av prosjekt, både nyutbyggingsprosjekt og større og mindre rehabiliteringsprosjekt.
Vi har eit godt fagmiljø med brei og variert kompetanse innan prosjektutvikling og produksjon av fornybar energi. Vi treng deg som lagleiar i vårt framtidsretta arbeid.
Som Teknisk sjef i produksjonsverksemda vår vil du først og fremst vere med å leie og påverke eit arbeid som både gir meining og skapar stoltheit i organisasjonen. Du vil møte ein fornybar-produsent som er framoverlent når det gjeld berekraft, sirkulerøkonomi og miljø. Som Teknisk sjef skal du først og fremst sikre ei god forvaltning, utvikling og verdiskaping for våre fornybaranlegg og -- ressursar. Du vil ha ei sentral leiarrolle i ein organisasjon med høg fagleg kompetanse og medarbeidarar med eit sterkt eigarskap og engasjement. Du har eit overordna ansvar for våre fagmiljø innan miljø, maskin, elektro, automasjon og bygg, og der kontinuerleg kompetanseutvikling og høg eigenproduksjon i alle arbeidsprosessar står sentralt. Vi er ein dynamisk og utviklingsorientert organisasjon, der IKT/digitalisering -- ofte gjennom eigenutvikla system - er eit godt etablert tankesett og viktige hjelpemiddel for utvikling og forbetring.
Dine oppgåver:
- Leie og organisere selskapet si Tekniske avdeling for fornybarproduksjon
- Utvikling av policy, mål og strategiar samt heilskaplege planar for forvaltning og utvikling av våre anlegg. Dette med sikte på optimal verdiskaping frå fornybarproduksjon på ein berekraftig måte.
- Gjennomføring av aktuelle policy og strategiar for måloppnåing.
- Delta i selskapet si leiargruppe og bidra til god samordning mellom ytre drift, produksjonssentral, krafthandel og prosjektgjennomføring.
- Vidareutvikle metode og system for effektiv anleggsforvaltning på ein systematisk måte med målretta bruk av digital teknologi.
- Selskapet sin anleggseigar og bestillar av drifts-, vedlikehalds- og rehabiliterings-tiltak for våre kraftverk og anleggsmasse.
- Leie og koordinere arbeid med fagleg utvikling i våre faggrupper som er organisert på tvers av avdelings-/linjestrukturen.
- Personal- og budsjettansvar for avdelinga
- Evt dagleg leiar-funksjon og/eller styrefunksjon i dotter-selskap / seskap der SFE-Produksjon har eigarinteresser
Bakgrunn:
- Høgare teknisk utdanning
- Erfaring knytt til vedlikehaldsleiing og anleggsutvikling
- Erfaring med system og metode for vedlikehaldsleiing
- Leiarerfaring
Personlege eigenskapar
- Gode samarbeidsevner, samt evne til å skape engasjement og samhandling
- Gode relasjons- og kommunikasjonsevner
- Utviklingsorientert - prosess-innovasjon
- Er tydekleg og ein god rollemodell når det gjeld HMS
- Oppteken av å vere ein samfunnsbyggar og vareta og utvikle distriktet/regionen
SFE arbeider aktivt og målretta for eit større mangfald og oppmodar også kvinner om å søke på stillinga
Adresse: Sandane