Trainee Forskning, kompetanse og internasjonalisering Bergen Næringsråd - Trainee Vest

Vil du vere ein pådrivar for grøn omstilling i Vestland?

I Grøn region Vestland kan vi tilby ei  spennande traineestilling til deg som brenn for berekraftig nærings- og samfunnsutvikling. Vi ser etter ein initiativrik og engasjert person som kan inngå som ein del av eit framoverlent team i Grøn region Vestland.    

Det er identifisert åtte nye grøne verdikjeder som Vestland har spesielle føresetnader for å ta ein leiande posisjon i. Prosjektet Grøn region Vestland er det viktigaste verkemiddelet for å skalere opp desse verdikjedene gjennom industriell symbiose i strategiske grøne hubar, bygging av grøn infrastruktur og tilgang til rett kompetanse. Dette skal bidra til å redusere utsleppa, skape nye grøne arbeidsplassar og auke eksporten. 

Vestland fylkeskommune og Innovasjon Norge er prosjekteigarar.  

Prosjektteamet i Grøn region Vestland omfattar 5 personar, i tillegg til ei rekkje andre medarbeidarar i Vestland fylkeskommune og Innovasjon Norge som bidrar inn etter behov. Som trainee vil du være ein fullverdig del av teamet, og du vil få moglegheit til å påverke og utvikle arbeidet i partnarskapen i ei avgjerande tid for å nå målet om Vestland som ein nullutsleppsregion innan 2030.

Les meir om oss her: Jobb og karriere i Vestland fylkeskommune

Arbeidsoppgåver

• Formidling av mål og visjonar for Grøn region Vestland regionalt, nasjonalt og internasjonalt
• Informasjon om aktivitetar og resultat til definerte målgrupper
• Internkommunikasjon i Grøn region Vestland
• Planleggje og gjennomføre arrangement
• Gjennomføre spørjeundersøkingar
• Informasjonskampanjar og dialog med ungdom og studentar
• Utvikling, visualisering og presentasjon av indikatorar 
• Bidra i arbeidet med å følgje opp dei grøne hubane 

Kvalifikasjonar

Relevant høgare utdanning på masternivå. 

Maksimalt tre års relevant arbeidserfaring etter utdanning

Det er ein fordel med utdanning og/eller erfaring med kommunikasjonsarbeid, videoproduksjon og grafisk design

Personlege eigenskapar

• Engasjement for grøn omstilling
• Initiativrik
• Evne til å arbeide sjølvstendig
• Strukturert med god evne til å planlegge, prioritere og sikre fremdrift
• Kreativ

Som deltakar i traineeprogrammet til Trainee Vest får du 

• utviklingsprogram gjennom Trainee Vest - les meir her: Bli Trainee
• gratis medlemskap i Bergen Næringsråd
• gratis medlemskap i Bergen Unge Profesjonelle (Bergen UP)

Fylkeskommunen tilbyr

• eit godt arbeidsmiljø med høg fagleg kompetanse
• faglege og personlege utfordringar
• eigen mentor
• fleksibel arbeidstid
• løn etter avtale
• Arbeidsvilkår, pensjon og forsikringar i samsvar med kommunal tariff

Fylkeskommunen er ei IA-verksemd og arbeider aktivt for å skape eit inkluderande arbeidsmiljø. 

Andre opplysningar

• Dersom du har spørsmål, ta gjerne ein prat med kontaktperson.
• Administrasjonsmålet i fylkeskommunen er nynorsk.
• Arbeidsstad er i fylkeshuset i Bergen

Vi gjer merksam på at i følgje offentleglova § 25,2. ledd kan opplysningar om søkjaren verte offentleggjort sjølv om søkjaren har oppmoda om å ikkje bli ført opp på offentleg søkjarliste.

Søkjaren vil alltid bli varsla på førehand dersom søkjarlista vert offentleggjort.

Alle nytilsetjingar i Vestland fylkeskommune blir gjort med ei prøvetid på 6 månader.

SØK PÅ STILLINGEN HER