Trainee Grønn næringsinfrastruktur Bergen Næringsråd - Trainee Vest

Vil du vere ein pådrivar for grøn omstilling i Vestland?

Brenn du for berekraftig nærings-og samfunnsutvikling, kan vi tilby ein av dei mest spennande traineestillingane i regionen.

Vi er eit framoverlent team som treng ein initiativrik og engasjert person på laget.

Du ser moglegheitene for næringslivet i det grøne skiftet og forstår deg på samspel mellom politikk, offentleg forvaltning og næringsliv.

Arbeids- og ansvarsområde vil bli tilpassa kvalifikasjonane til den som blir tilsett. 

Les meir om oss her: Jobb og karriere i Vestland fylkeskommune

Arbeidsoppgåver

Vestland fylkeskommune tek ei leiande rolle i å omstille næringslivet for å nå klimamåla.  Målet er å oppnå innovasjon i energitilbodet og utvikling av Bergen og dei regionale sentra som attraktive senter, slik at dei kan fungere som ei drivkraft for heile fylket. Arbeidet skjer i tett samarbeid med næringslivet og med forskings- og kunnskapsmiljøa. Gjennom mobilisering til nye regionale satsingar, fagleg rettleiing og tilskot til utviklingsprosjekt fremmer vi berekraftig verdiskaping, grøn omstilling i næringslivet og sirkulærøkonomi. 

Seksjonen er hovudbase for avdelinga sitt arbeid med grøn næringsinfrastruktur. Vi  arbeider med både fysisk infrastruktur som energi, nett, breiband, ladeinfrastruktur og næringsareal og innovasjonsinfrastruktur som klyngesamarbeid, partnarskap, og kontakt med næringsvirkemiddelapparatet elles. Vi har prosjektleiaransvar for regional plan for berekraftig verdiskaping, og regional plan for fornybar energi og dei generelle tilskota til grøn næringsutvikling.  Vi arbeider for å sikre areal til næringsutvikling og auke eksporten. Seksjonen bidrar til berekraftig verdiskaping og grøn omstilling i næringslivet til dømes med Klimapartnere Vestland, nullutslepptransport i næringslivet og sirkulærøkonomi.

Vestland fylkeskommune har fleire verktøy for å bidra til grøn næringsutvikling. Eit av desse er å støtte opp om gode prosjekt og initiativ gjennom økonomisk støtte. Traineen vil bidra inn i dette arbeidet.  

Du som vert tilsett vil bidra med digital marknadsføring og organisering av utoverretta konferansar og arrangement.
Du vil også få arbeidsoppgåver i prosjektteamet på avdelinga. Vi vil nytte kompetansen til traineen for å løyse oppgåver innan grøn næringsutvikling.

Kvalifikasjonar

• Mastergrad med fag dømes innan økonomi, jus, administrasjon, statsvitenskap, forretningsutvikling.
• Maksimalt tre års relevant arbeidserfaring etter utdanning 

Vi ynskjer i tillegg at du har

• god skriftleg og munnleg formidlingsevne 
• erfaring med kommunikasjon, sosiale medium og webpublisering 
• organisasjonserfaring eller næringslivserfaring  
• erfaring med å organisere arrangement, enten i frivillig eller lønna arbeid 
• forståing for forretningsdrift og grøn næringsutvikling  

Personlege eigenskapar

• Strukturert  
• Sjølvgåande og initiativrik
• Positiv og løysingsorientert 
• Gode samarbeidsevner  
• Gode sosiale ferdigheiter 
• Ansvarsfull 

Som deltakar i traineeprogrammet til Trainee Vest får du:

• utviklingsprogram gjennom Trainee Vest - les meir her: Bli Trainee
• gratis medlemskap i Bergen Næringsråd
• gratis medlemskap i Bergen Unge Profesjonelle (Bergen UP)

Fylkeskommunen tilbyr:

• motiverande og stimulerande arbeidsmiljø
• interessante og viktige oppgåver, arbeid som gir resultat og samfunnsnytte
• arbeidsmiljø med høgt kvalifiserte fagfolk
• eigen mentor
• løn etter avtale
• fleksibel arbeidstid

Arbeidsvilkår, pensjon og forsikringar i samsvar med kommunal tariff. Fylkeskommunen er ei IA-verksemd og arbeider aktivt for å skape eit inkluderande arbeidsmiljø.

Andre opplysningar

• Dersom du har spørsmål, ta gjerne ein prat med kontaktperson.
• Arbeidsstad i fylkeshuset i Bergen.
• Administrasjonsmålet i fylkeskommunen er nynorsk.

Vi gjer merksam på at i følgje offentleglova § 25,2. ledd kan opplysningar om søkjaren verte offentleggjort sjølv om søkjaren har oppmoda om å ikkje bli ført opp på offentleg søkjarliste.

Søkjaren vil alltid bli varsla på førehand dersom søkjarlista vert offentleggjort.

Alle nytilsetjingar i Vestland fylkeskommune blir gjort med ei prøvetid på 6 månader.

SEND INN SØKNAD HER