Vi søkjer lærling til eigedommane våre i Volda og Ørsta  Statsbygg

No har du sjansen til ei innhaldsrik læretid hos ein av dei viktigaste aktørane i Noreg i bygge- og eigedomsnæringa.

Som byggdriftarlærling i Statsbygg vil du bli ein del av eit dyktig driftsteam med godt og spennande arbeidsmiljø. Statsbygg søkjer ein lærling til Volda.

Du vil ha base ved Høgskulen i Volda som er blant dei største utdanningsinstitusjonane mellom Bergen og Trondheim. Høgskulen er kjend for medieutdanninga og den tradisjonelle lærarutdanninga si. Du vil i tillegg til Høgskulen vere med å drifte Møre og Romsdal tingrett (Volda) og Ørsta Trafikkstasjon.

Læretida vil vere 2,5 til 3 år, avhengig av talet på fullførte år på vidaregåande skole. Fullført og bestått opplæring fører fram til fagbrev i byggdriftarfaget med yrkestittel byggdriftar. Som lærling blir du tilbydd ei spennande og innhaldsrik læretid i Statsbygg på ulike eigedommar.

Vi ønsker endå fleire kvinner til å arbeide med drift og vedlikehald i Statsbygg, og kvinner blir derfor oppfordra til å søkje.

Arbeidsoppgåver

Arbeidsoppgåvene vil følge ein opplæringsplan, og det vil etter kvart bli stilt krav til at du jobbar meir sjølvstendig.

• tekniske installasjonar og styring og overvaking med SD-anlegg
• miljøvennleg drift, ENØK-tiltak og energiovervaking
• vedlikehaldsplanar og gjennomføring av vedlikehaldstiltak
• FDV-system og FDV-dokumentasjon
• internkontroll og HMS for eigedomsdrift
• samarbeid og kommunikasjon med leigetakarar og leverandørar
  

Kvalifikasjonar

• Fullført Vg1 Bygg og anleggsteknikk
• Fullført Vg2 Bygg og anleggsteknikk er å føretrekke
• God munnleg og skriftleg framstillingsevne på norsk Søkjarar som berre har fullført Vg1 Bygg og anleggsteknikk, vil få læretid på 3 år. Søkjarar som i tillegg har fullført Vg2, vil få ei læretid på 2,5 år.

Personlege eigenskapar

• Ansvarsbevisst
• Lærevillig og motivert 
• Serviceinnstilt og samarbeidsvillig
  

Language

• Norsk

Vi tilbyr

Etter særavtale om avlønning av lærlingar i staten, blir du lønt i % av lønnstrinn 29, for tida kr 359 100,- per år etter følgande lønnsstige (ved 2,5 års læretid):
1. halvår 30 %, 2. halvår 40 %, 3. halvår 45 %, 4. halvår 55 % og 5. halvår 80 % av kr 359 100,- pr år. Etter særavtalen vil ein ved tre års læretid ikkje få lønn første halvår.

Vi tilbyr i tillegg eit godt og variert fagmiljø, kunnig rettleiing i heile læreperioden og samarbeid med andre lærlingar. I tillegg vil du delta på samlingar for alle Statsbygg sine byggdriftarlærlingar og får høve til å ta del i lærlingnettverket til OK stat (www.okstat.no).

Kontaktinformasjon

Arbeidssted

Nøkkelinformasjon: