Surnadal kommune Sentraladministrasjonen Logoped i fast 100% stilling

Surnadal kommune har ledig stilling som logoped i fast 100% stilling.

Stillinga er ledig for tiltreding.

Kommunelogopeden i Surnadal arbeider med barn, unge og vaksne som har fått enkeltvedtak etter barnehagelova eller opplæringslova eller sakkunnig vurdering frå PPT.

Logopeden har kontorstad ved Surnadal barne- og ungdomsskule. Arbeidsområde er barn i barnehagane, dei andre skulane i kommunen og vaksne med rett etter opplæringslova.

40 % av stillinga er per i dag tilknytta Surnadal barne- og ungdomsskule.

Ein må pårekne å bruke noko tid på å reise mellom dei ulike barnehagane og skulane, eller i heimen til vaksne tenestemottakarar etter behov.

Logopeden deltek i tverrfagleg arbeid og samarbeider med ulike faggrupper av tilsette, foreldre/føresette og pårørande.

Om deg:

• du har utdanning som logoped
• å ha erfaring frå barnehage eller skule, eller arbeid med veiledning er ein fordel
  
• du er i stand til å planlegge og arbeide sjølvstendig, men òg god på samarbeid med andre
• fleksibilitet og omstillingsevne er nyttige eigenskapar å ha

Det blir lagt vekt på personlege eigenskapar ved tilsetting.

Vi vil oppfordre faste tilsette i Surnadal kommune med relevant høgskuleutdanning som kvalifiserer til opptak på masterstudiet i logopedi om å søke.

Utdanninga kan takast desentralisert og Surnadal kommune vil vere med å støtte eit slik utdanningsløp i tråd med retningsliner vi har for dette.

Vi tilbyr:

• Kommunale tilsettingsvilkår, med gode pensjons- og forsikringsordningar
• Lønn med utgangspunkt i tariff
• Trivelege folk å samarbeide med
• Flyttegodtgjersle ihht reglane i personalplanen

Tilfredsstillande politiattest, ikkje eldre enn 3 månader, skal leggast fram før tiltreding.

Det blir halde samtale med søkarane.