Helhetstenkende, empatisk med teamforståelse? Sula kommune

Heilskapstenkande, empatisk med teamforståing?

Sula kommune er på offensiven for å møte dagens og framtida sine behov for tenesteyting for kommunen sine humørfylte og engasjerte innbyggjarar. Vi etablerer ny organisasjonsstruktur der menneskeleg og fagleg kompetanse blir foreina i den vakraste samhandling. Vi har allereie om lag 700 godt motiverte og innsatsfylte tilsette i kommunen og tilbyr no toppstillinga som kommunedirektør til den som passar best inn i eksisterande leiargruppe og medarbeiderbank. Drift og økonomiske investeringar i kommunal samanheng er godt regulert i lovverk og regulatoriske retningsliner og føringar. Vi ønskjer oss difor ein som ser verdien av å leggje til rette og utvikle den humane kapitalen som Sula kommune har. Du er ein utpreget lagspelar som ser verdien av både å lytte til og utfordre kollegaer, medarbeidarar, politikarar og innbyggjarar. Du har eit overordna og heilskapleg blikk på samfunnsutvikling, parallelt med evne til å bestemme saksinnstillingar med forståing og empati for konsekvensar. KOMMUNEDIREKTØR

Vi tilbyr: Ei genuin og sjeldan moglegheit til å setje preg på vakre og produktive Sula kommune.

• Stillinga som den fremste premissleverandør i utvikling av Sula kommune 
• Menneskeleg og fagleg utvikling i særklasse
• Eit tett og kompakt lag med tverrfagleg kompetanse
• Ein arbeidsintensiv kvardag med humor
• Ansvar for områda skissert under
• Fridom til å løyse oppgåver saman med andre og på eiga hand
• Konkurransedyktig løns- og pensjonsvilkår

• Leie og utvikle kommunen si verksemd gjennom heilskapleg, inkluderande og strategisk styring
• Sikre god økonomistyring og tilpasse drift og tenestetilbod til den økonomiske situasjonen
• Utgreie og leggje fram beslutningsgrunnlag, og gjennomføre politiske vedtak til beste for kommunen sine innbyggjarar
• Tilretteleggje for eit godt samarbeidsklima og gode prosessar med folkevalde
• Overordna leiing av kommunen og samhandling på tvers av sektorane
• Sjå heilskapen i organisasjonen, inspirere og motivere medarbeidarar
• Sørgje for at partssamarbeidet med dei tilsette sine representantar fungerer som eit lagarbeid
• Initiere og motivere til kontinuerleg utvikling av kommunen sine teneste
• Leggje til rette for god samhandling og samskaping med innbyggjarar, næringsliv, frivilligheit, samarbeidspartnarar og andre mynde
• Utvise engasjement og proaktivitet i samspel med næringsaktørar og andre samarbeidspartnarar for å utvikle kommunen sine næringsmessige fortrinn
• Ha den overordna leiinga av utviklingsprosjekt og fortsette å bygge eit berekraftig og mangfaldig Sulasamfunn

Ønska kvalifikasjonar:

• Teoretisk utdanning med innhald og nivå tilpassa ansvarsområda
• Yrkesmessig erfaring til nytte for arbeidsoppgåvene
• Erfaring med leiing, resultatansvar og gjennomføring
• Forstå samspel og roller i kommunal/offentleg sektor
• Digital forståing, kunnskap og ferdigheiter
• Norsk/nynorsk skriftleg og munnleg framstillingsevne. 
• Kjennskap til endrings-, lærings- og utviklingsarbeid
• Samhandlingskompetanse

• Positiv, moglegheitsorientert med samfunnsengasjement
• Genuin, ekte leiarstil med fokus på moglegheiter og styrker
• Høg arbeidsmoral og teamforståing
• Gjennomføringsevne og disiplin ift. avtaler
• Generelt gode kunnskapar innan bruk av digitale verktøy
• Glad i å smile
• Forstå verdien av læring og utvikling i eit fellesskap
• Tole ein trøkk eller to

Tilsettingsprosessen vil vere ei informasjonsutveksling mellom to likeverdige partar der menneskeleg og profesjonell kompetanse bli matcha mot eksisterande team i Sula kommune. Fram til utløpet av søknadsfristen vil søknadar og førespurnadar bli behandla konfidensielt, om ønskjeleg også ovanfor oppdragsgjevar. Sula kommune er pliktig til å utarbeide offentleg søkjarliste. Dersom du ønskjer å reservere deg mot oppføring, må du søkje om og grunngi dette. Du vil bli kontakta viss søknaden ikkje blir innvilga og vil få høve til å trekkje søknaden. For meir informasjon om stillinga kan du ta kontakt med rådgivarar i Personalhuset: Ivar Morten Normark mobil: Logg inn for å se kontaktinformasjon, Linda Henriksen mobil: 966 25 527, eller ordførar i Sula kommune Jim Arve Røssevoll mobil: Logg inn for å se kontaktinformasjon.