Planseksjonen søker etter prosjektleiar for planprosjekt til kontorstaden i Bergen. Oppgåver knytt til koordinering innan vegfaget og kvalitetsarbeid kan bli lagt til stillinga. Vi ønskjer derfor søkarar med vegfagleg kompetanse.
Stillinga er knytt til ressursavdelinga som er delt inn i seks fagområde (prosjektering, plan, eigedom, geo/skred, lab/vegteknologi og bru) med til saman ca 290 tilsette fordelt på kontorstadane Leikanger, Stavanger i tillegg til Bergen. Planseksjonen utfører veg-, gate- og tunnelplanlegging på store og små prosjekt i eigen regi eller ved bruk av konsulentar. På planseksjonen i Bergen er vi 33 medarbeidarar mellom anna innan fagområda prosjektleiing, veg, landskap, naturmangfald og arkeologi. Kontorstaden har også regionen si kompetanseeining innan transportanalyse.
For å få utarbeidd kommunedelplanar og reguleringsplanar på store og små prosjekt dei komande åra treng vi ein erfaren planleggar. Den som blir tilsett vil også ha ansvar for god kommunikasjon med interne og eksterne samarbeidspartar og for styring av konsulentoppdrag.
Arbeidsoppgåver
- Styre planprosjekt (planleggingsleiing)
- Vegplanlegging
- Kommuneplanlegging og reguleringsplanlegging
- Konsekvensutgreiingar
- Engasjere og styre konsulentoppdrag
- Koordineringsoppgåver innanfor vegfaget
Kvalifikasjonskrav og bakgrunn
- Utdanning frå universitet eller høgskule, primært på sivilingeniør- eller masternivå
- Ønskjeleg med erfaring som prosjektleiar/planleggingsleiar
- Erfaring frå fagområda arealplanlegging og planlegging/prosjektering av vegar og tunnelar
- Ønskjeleg med erfaring i bruk av dataverktøy (AutoCAD, NovaPOINT, GisLine, ArcGis, m.fl.)
- Førarkort kl. B
For kandidatar med sterk og allsidig praksis frå dei aktuelle fagområda og med gode personlege føresetnader for stillinga, kan ein fråvike kravet til utdanning.
Dersom du har teke heile eller delar av utdanninga di i utlandet, ber vi om ei autorisert omsetjing av dine papir og ei godkjenning frå NOKUT (www.nokut.no).
Vi ynskjer at du:
- Er glad i faget ditt og resultatorientert
- Kan styre, koordinere og samordne oppgåver
- Er god til å samarbeide med andre
- Er analytisk og kan sjå problemstillingar frå fleire vinklar
- Er flink til å uttrykke deg skriftleg og munnleg på norsk
Stort engasjement, mykje ansvar og fagleg utvikling
Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman.
Du påverkar samfunnsutviklinga og du får bidra til framtidas løysingar på ditt fagfelt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.
Medarbeidarane våre fortel om spennande arbeidsdagar med god balanse mellom arbeid og fritid.
Vi tilbyr også desse goda:
- Introduksjonsprogram og fadderordning
- Fleksitid og gode ordningar for avspasering
- Pensjonsordning og høve til å få lån i Statens pensjonskasse
- Etatsskular og gode muligheiter for fagleg påfyll
- Bedriftshytter/bedriftsidrettslag
Løn avtalast nærare i samsvar med vår lønnspolitikk.
Søknad
Statens vegvesen skal vere prega av mangfald, og dei tilsette hos oss skal spegle befolkninga. Vi legg vekt på å leggje arbeidsforholda til rette dersom du har behov for det.
Vi gjer merksam på at søkjarlista kan verte offentleggjord, sjølv om du har bedt om unntak frå denne. Du vil i så fall verte varsla.
*LI-PRIORITY
Link til søknadsskjema:
Send søknadFor mer informasjon kontakt: , Wilhelm Lund, Mobil +47 91623608
Adresse: Nygårdsgaten 112 5008 BERGEN
