Fylkesmannen i Møre og Romsdal Rådgivar - jurist

Jobbnorge ID: 135918

Vi har ledig fast stilling for jurist frå 1.8.2017

Stillinga er for tida i Helse- og sosialavdelinga vår som har 25 tilsette og eit mangfald av oppgåver innan helse- og sosialområdet. Avdelinga har eit breitt samansett og godt fagmiljø og har oppgåver knytt til gjennomføring av nasjonal politikk på helse-, omsorg og sosialområdet. Dette omfattar klagebehandling, tilsyn og ei rekkje utviklingsoppgåver og gir høve til fagleg fordjuping, til dømes i forvaltningsrett, helserett og sosialrett.

Hovudarbeidsområde

Stillinga sitt arbeidsområde er primært behandling av klagesaker, tilsyn med den kommunale helse-, omsorg- og sosialtenesta, spesialisthelsetenesta, samt informasjon, rettleiing og undervisning. Oppgåvene vil krevje nært samarbeid med andre faggrupper i avdelinga. Det må påreknast noko reiseverksemd i samband med tilsyn og eventuell kursaktivitet.

Til å utføre desse oppgåvene søker vi etter person med:

• Master i rettsvitskap/juridisk embetseksamen
• Praksis frå kommunal eller statleg forvaltning
• God framstillingsevne skriftleg og munnleg
• Gode samarbeidsevner
• Erfaring med tilsyn, klagebehandling og undervisning vil bli vektlagt
• Kjennskap til helse- og sosiallovgjevinga er ein fordel

Vi kan tilby

• ein utfordrande jobb i eit utviklande og godt fagmiljø.
• løn som rådgivar i stillingskode 1434 med aktuell lønsplassering i staten sitt lønsregulativ ut frå kvalifikasjonar og erfaring.
• fleksibel arbeidstid og medlemskap i Statens pensjonskasse, med gode forsikringsordningar og låneordningar. Frå løna vert trekt 2 % innskot til pensjonskassa.

Dei første 6 månadane er prøvetid. Tilsetjinga skjer etter gjeldande lover, instruksar og reglement.

Vi brukar som hovudregel nynorsk som skriftspråk. Den som vert tilsett må beherske norsk både skriftleg og munnleg.Utviklinga av vår organisasjon er ein kontinuerlig prosess, og den som vert tilsett må vere open for endringar i organisering, oppgåver og ansvarsområde.

Nærare opplysningar

Direktør Grete Teigland, tlf. 71258520, mob. 99 50 76 32 e-post:grete.teigland@fylkesmannen.no

Ass. direktør Marit Hovde Syltebø, tlf. 71258540, mob. 91 80 22 25 e-post:marit.hovde.syltebo@fylkesmannen.no

Søknadsfrist: 9.april 2017.

Du må søke elektronisk gjennom rekrutteringsportalen til JobbNorge. Link til denne ligg på vår heimeside og på NAV sine sider. Vi ber om at attestar og vitnemål følgjer søknaden i PDF-format. Stillinga har still.nr. 1705.

Meir informasjon om Fylkesmannen i Møre og Romsdal finn du påwww.fylkesmannen.no/mr.

Vi gjer merksam på at søkjarlista kan bli offentleg sjølv om søkjar ber om anonymitet jf offentleglova § 25, 2. punktum.

Fylkesmannen er opptatt av mangfald og oppmodar kvalifiserte kandidatar å søkje utan omsyn til alder, kjønn, funksjonsevne, nasjonal eller etnisk bakgrunn. Vi er IA-bedrift og vil legge forholda til rette for søkjarar med redusert funksjonsevne.