Fylkesmannen i Møre og Romsdal Assisterande fylkeslege

Jobbnorge ID: 135838

Vi har ledig 100 % fast stilling som assisterande fylkeslege. Stillinga er i Helse- og sosialavdelinga vår som har 25 tilsette og eit mangfald av oppgåver innan helse- og sosialområdet.

Hovudarbeidsområde:

Aktuelle oppgåver vil vere tilsyn med helsepersonell og helsetenester, oppfølging av klagesaker og andre forvaltningsoppgåver som førarkortsaker, rådgjeving knytt til tilsynserfaring, kvalitetsutvikling, etablering og vedlikehald av faglege nettverk, samt tilstandsvurderingar. Helseberedskap vil og kunne inngå i arbeidsområdet.

Arbeidsoppgåvene er varierte og medfører mykje kontakt med helse- og omsorgstenestene, også sosialtenestene i NAV. Det er både sjølvstendig arbeid, tverrfagleg arbeid i grupper og prosjektarbeid. Stillinga har så langt vore godkjent som samfunnsmedisinsk sideutdanning for fleire spesialitetar.

Krav til kvalifikasjonar:

Søkjarar må ha medisinsk embetseksamen og vere autorisert som lege. Det vert kravd god kjennskap til norsk helseteneste. Det vert elles lagt vekt på gode samarbeidsevner, initiativ, handlekraft, dømekraft og munnleg og skriftleg framstilling. Vi brukar som hovudregel nynorsk som skriftspråk. Den som vert tilsett må beherske norsk både skriftleg og munnleg.

Vi kan tilby:

• sjølvstendig arbeid med utviklande og faglege interessante oppgåver i eit triveleg miljø med gode moglegheiter for kompetanseutvikling.
• løn som 0774 ass. fylkeslege med aktuell lønnsplassering i staten sitt lønsregulativ, fastsett etter erfaring og kvalifikasjonar.
• fleksivel arbeidstid utan vakt. Medlemskap og pensjonsordning i Statens pensjonskasse med gode forsikringsordningar. Frå løna vert trekt 2 % pensjonsinnskott til pensjonskassa.

Dei første 6 månadane er prøvetid. Tilsetjinga skjer etter gjeldande lover, instruksar og reglement.

Utviklinga av organisasjonen vår er ein kontinuerleg prosess, og den som vert tilsett må vere open for endringar i organisering, oppgåver og ansvarsområde.

Nærare opplysningar:

Direktør Grete Teigland, tlf. 71 25 85 20/995 07 632, e-post:grete.teigland@fylkesmannen.no

Fylkeslege Karin M. Mikaelsen, tlf. 71 25 85 92 /414 95 351, e-post:karin.muller.mikaelsen@fylkesmannen.no

Søknadsfrist:9. april 2017

Du må søke elektronisk gjennom rekrutteringsportalen til JobbNorge. Link til denne ligg på vår heimeside og på NAV sine sider. Vi ber om at attestar og vitnemål følgjer søknaden i PDF-format. Stillinga har still.nr. 1704.

Meir informasjon om Fylkesmannen i Møre og Romsdal finn du påwww.fylkesmannen.no/mr.

Vi gjer merksam på at søkjarlista kan bli offentleg sjølv om søkjar ber om anonymitet jf offentleglova § 25, 2. punktum.

Fylkesmannen er opptatt av mangfald og oppmodar kvalifiserte kandidatar å søkje utan omsyn til alder, kjønn, funksjonsevne, nasjonal eller etnisk bakgrunn. Vi er IA-bedrift og vil legge forholda til rette for søkjarar med redusert funksjonsevne.