Stillingsutlysning for Rektor Indre Hafslo oppvekstsenter Indre Hafslo Oppvekstsenteravd Skule

Det vert ledig fast stilling som rektor/styrar ved Indre Hafslo oppvekstsenter med tiltreding så snart som mogleg.
Rektor/styrar er leiar for både skulen og barnehagen med f.t. 85% administrasjon og 15% undervisning. Næraste samarbeidspartnar er assisterande styrar/rektor med 20% administrasjon.

Indre Hafslo oppvekstsenter er ein tredelt skule med 33 elevar inneverande skuleår og f.t. 36 barnehageplassar
i barnehagen. Det er ca. 15 tilsette i oppvekstsenteret. Indre Hafslo oppvekstsenter er veldrive, aktivt med i pedagogisk utviklingsarbeid og kan vise til gode resultat, nøgde barn og medarbeidarar.

Kvalifikasjonskrav

Vi søkjer etter ein leiar som:

• står fram som ein tydeleg, systematisk og engasjert leiar
• delegerer oppgåver og brukar medarbeidarane sin gode kompetanse
• gjennomfører utviklingsarbeid i nært samspel med medarbeidarane, elevar og føresette
• samarbeider med alle aktørar innanfor skulen/barnehagen og nærmiljøet
• samhandlar godt med andre rektorar/styrarar og den administrative leiinga i kommunen
• leiar oppvekstsenteret i samsvar med lovar, avtaleverk og læreplanar

Ved tilsetjing vil det bli lagt vekt på:

• relevant pedagogisk utdanning og praksis. Det er ønskjeleg med vidareutdanning i skuleleiing/administrasjon eller med røynsle som skuleleiar
• gode leiareigenskapar med evne til målretta og løysingsorientert arbeid
• eit reflektert pedagogisk grunnsyn
• samarbeidsevne

Kommunen kan tilby

• utfordrande og interessante arbeidsoppgåver
• løn etter avtale
• elles vanlege kommunale tilsetjingsvilkår med pensjons- og forsikringsordningar

Den tilsett må leggja fram politiattest jf. opplæringslova
§ 10-9. Aktuelle søkjarar vil bli innkalla til intervju.

Søknad

Bruk søknadsskjema som ligg til stillingsannonsen på vår heimeside: www.luster.kommune.no - ledige stillingar.
For spørsmål om stillinga kan du ta kontakte med kontaktpersonen. Dersom du har behov for hjelp til å søkje kan du ta kontakt med Servicetorget på tlf. Logg inn for å se kontaktinformasjon.

Det er ikkje naudsynt å sende kopi av vitnemål, attestar, kursbevis m.m. Desse skal takast med ved eventuelt intervju eller sendast ved førespurnad.

Alle søkjarar vil få kvittering på at søknaden er motteken dersom de har fylt ut rett e-postadresse i søknaden. I skjemaet er det mogleg å kryssa av for at søknaden ikkje skal verta offentleggjort. Dersom du ynskjer at søknaden ikkje skal verte offentleggjort må du grunngje dette. Me gjer merksam på at opplysningar om søkjarane likevel kan verta offentleggjorde, jf. offentleglova § 25. Du vil då verte varsla om dette på førehand slik at du har høve til å trekkje søknaden din.