Om instituttet og stillinga
NHH har ledig eit vikariat som administrasjonssjef ved Institutt for fagspråk og interkulturell kommunikasjon. Instituttet har 14 tilsette i vitskaplege stillingar, fire PhD-studentar og ein administrativ stab på to personar (inklusiv administrasjonssjefen). Instituttet er leiande fagmiljø for forsking og undervisning innan fagspråk og interkulturell kommunikasjon, spesielt innanfor fagområda økonomi og administrasjon. Forskinga tar sikte på å gi ny kunnskap om språkbruk og interkulturell kommunikasjon i profesjonelle samanhengar. Instituttet tar hand om NHH sitt samfunnsoppdrag for å forvalte autorisasjonsordninga for statsautoriserte translatørar og for å godkjenne utanlandske translatørutdanningar.
Stillinga som administrasjonssjef inneber eit nært samarbeid med instituttleiar, nestleiar og undervisningsansvarleg, og utstrakt kontakt med fagstab, PhD-studentar, NHH sin sentraladministrasjon og eksterne samarbeidspartnarar. Administrasjonssjefen leiar den administrative staben på instituttet. Ansvaret og oppgåvene er omfattande og varierte, og stiller krav til initiativ og sjølvstende. Vi søkjer ein engasjert medarbeidar med gode leiar-, samarbeids- og kommunikasjonsevner, som støttar instituttleder, nestleiar og undervisningsansvarleg og inngår i instituttet si daglege leiing. Vikariatet er ledig fram til 31.12.21 med moglegheit for forlenging. Me ynskjer ein snarleg oppstart.
Hovudansvar og oppgåver
Hovudansvar og oppgåver
- ansvar for at instituttet si leiing, tilsette og samarbeidspartnarar får støtte innan administrative oppgåver
- ansvar for analyser og rapportering av instituttet sine aktivitetar innan undervisning, forsking og formidling
- ansvar for å utarbeide og følge opp instituttet sitt budsjett og regnskap i samarbeid med instituttleiinga
- ansvar for instituttet sine nettsider og profilering av instituttet
- støtte PhD-ansvarleg i oppfølging av instituttet sine PhD-studentar
- sekretær for Instituttstyret
- personalansvar for administrativt tilsett på instituttet
Kvalifikasjonskrav
- høgare utdanning, fortrinnsvis på masternivå (lang, relevant og dokumentert realkompetanse kan i særlege tilfelle erstatte utdanningskravet)
- relevant erfaring tilpassa stillinga sin funksjon
- leiareigenskapar
- gode kommunikasjonsevner, både skriftleg og munnleg på norsk og engelsk
- generelt gode datakunnskapar for handtering av ulike digitale administrative verktøy i stillinga
Det er ein føremon med
- arbeidserfaring frå eit internasjonalt miljø
Personlege eigenskapar
Vi ser etter deg som er/har
- evne til å skape resultat
- sjølvstendig med gode kommunikasjons- og samarbeidsevner
- praktisk orientert
- evne til i sette i gong tiltak med knappe fristar
NHH tilbyr
- varierte utfordringar
- eit godt arbeidsmiljø med gode kollegaer
- fleksibel arbeidstidsordning
- gode forsikrings-, pensjons- og låneordninger i Statens pensjonskasse ()
- inkluderende arbeidsliv
- velferdsgode som subsidiert trening, bedriftshytte og gratis parkering
Stillinga har kode 1058 - administrasjonssjef og er lønna etter statens lønnsregulativ fra kr 615 500 - kr 704 500 pr år avhengig av kvalifikasjonar. For særleg kvalifiserte søkjarar kan høgare lønn vurderast. Frå lønna vert det trekt 2 prosent som innskot i Statens Pensjonskasse. I tillegg betalar NHH som arbeidsgivar 12,35 prosent.
Generell informasjon
NHH som statleg arbeidsgivar legg vekt på mangfald. Vi oppfordrar derfor alle som er kvalifiserte om å søkje stillinga utan omsyn til kjønn, alder, funksjonshemming, kulturell bakgrunn og/eller hol i CV-en. Vi gjer merksam på at opplysningar om søkjarar kan bli offentliggjorde sjølv om søkjarane har bede om å vere unnatekne frå søkjarlista. Søkjarar vert orientert om dette på førehand. Nærare informasjon om stillinga kan fåast ved å vende seg til administrasjonssjef Maja Dame, tlf. Logg inn for å se kontaktinformasjon.
Søknadsfrist 01.02.2021
