Om stillinga og Servicesenteret
Vi ser etter deg som likar å planlegge og organisere, og som har god kunnskap om gjennomføring av arrangement. Du er god til å halde oversikt over detaljane og finn løysingar der det trengs. Du er positiv og samarbeider godt med ulike typar menneske og likar å yte framifrå service.
Som vår nye service- og eventplanlegger vil du bidra til at NHH arrangerer profesjonelle og godt organiserte konferansar og andre arrangement som representerer NHH på ein god måte.
Stillinga er knytt til Servicesenteret på NHH, der vi jobbar med å tilby tenester til studentar, tilsette og gjestar på høgskolen. Vi koordinerer ei rekkje tilbod, til dømes fysiske og digitale konferansar, telefon- og e-postkommunikasjon, onboarding av nye tilsette og utleige av NHH sine eigedommar. Servicesenteret er sentralt plassert på NHH, som del av Avdeling for kommunikasjon og samfunnskontakt.
NHH legg vekt på mangfald. Vi oppmodar derfor alle som er kvalifiserte om å søkje stillinga utan omsyn til kjønn, alder, funksjonshemming, kulturell bakgrunn og/eller hol i CV-en.
Hovudoppgåver er å
- planlegge og gjennomføre fysiske og digitale konferansar
- samordne internt og sette opp køyreplanar for alle typar event
- samordne og følge opp bestillingar for beverting, rigging, teknisk bistand, vakthold m.m.
- være bindeledd mellom NHH og leverandører (mat, teknisk støtte, lokal etc.)
- oppdatere retningslinjer og rutinebeskrivingar
Omfanget av dette arbeidet er berekna til omtrent 70 % av arbeidstida.
Stillinga inngår i NHH sitt Servicesenter, som mellom anna bidreg til god informasjon og oppfølging ved NHH.
I stillinga må du i periodar utføre
- service- og informasjonsarbeid ovanfor studentar, gjester og tilsette ved NHH
- svare opp førespurnader på telefon og e-post
Omfanget av dette arbeidet er berekna til omtrent 30 % av arbeidstida.
Ein må rekne med endringar i arbeidsoppgåver over tid.
Kvalifikasjonskrav
- utdanning på minimum bachelornivå (relevant realkompetanse kan erstatte utdanningskravet)
- relevant arbeidserfaring med praktisk organisering og gjennomføring av arrangement
- gode kommunikasjonsevner, både skriftleg og munnleg på norsk og engelsk
- gode IT-kunnskapar
Det er ein fordel med
- erfaring med digitale arrangement
Personlege eigenskapar
- er god til å planlegge, organisere og halde oversikt over deltajar
- kan jobbe i team, men som og kan ta sjølvstendige avgjerder
- jobbar godt og systematisk under press og meistrar høgt tempo
- evner å tenke nytt og utvikle gode løysningar
- er serviceinnstilt og positiv
NHH tilbyr
- sjansen til å jobbe med anerkjente konferansar
- moglegheit til å jobbe i eit profesjonelt og internasjonalt miljø
- varierte faglege utfordringar
- gode utviklingsmoglegheiter
- eit godt arbeidsmiljø
- gode forsikrings-, pensjons- og låneordningar i Statens pensjonskasse ()
- inkluderande arbeidsliv
- velferdsgode som subsidiert trening hos Sammen, bedriftshytte og gratis parkering
Stillinga har kode 1363 - seniorkonsulent og er lønna etter statens regulativ frå kr. 504 000 til kr. 552 400 per år avhengig av kvalifikasjonar. For særleg kvalifiserte søkjarar kan høgare lønn vurderast. Frå lønna vert det trekt 2 prosent som innskot i Statens Pensjonskasse. I tillegg betalar NHH som arbeidsgjevar 10,9 prosent.
Generell informasjon
Vi gjer merksam på at opplysningar om søkjarar kan bli offentliggjorde sjølv om søkjarane har bede om å vere unnatekne frå søkjarlista. Søkjarar vert orientert om dette på førehand.
Nærare informasjon om stillinga kan du få ved å vende seg til Seksjonsleiar for Servicesenteret, Endre Adolfsen, tlf. +47 922 01 556 eller Logg inn for å se kontaktinformasjon.
Søknadsfrist: 09.05.2021
