Prosjektleiar UH SAK Høgskulen på Vestlandet

Stillinga som prosjektleiar er ledig for tilsetjing frå 1. januar 2023 og har ei varigheit på 2 år.

Stillinga kan ha arbeidsstad ved eitt av høgskulen sine fem campus - Haugesund, Stord, Førde, Sogndal eller Bergen.

HVL skal ta i bruk eit nytt system for sakshandsaming frå 2024. Dette representerer eit teknisk og organisatorisk skifte som har innverknad på all sakshandsaming. Sjølve systemutviklinga skjer i eit sektorsamarbeid, medan mottak og bruk er eit institusjonelt ansvar. Sakshandsamingsløysinga skal gjere automatisk arkivering mogeleg. Vår noverande arkivteneste vil vere aktiv prosjektdeltakar, og ivareta det arkivfagelege arbeidet knytt til det samla UH SAK-prosjektet.

Teknisk integrasjon vert ivareteke av faggruppe for system på IT-avdelinga. Organisatorisk integrasjon og naudsynt opplæring må koordinerast. Dette er ei stor og krevjande fagleg oppgåve, truleg det største administrative organisasjonsutviklingsprosjektet i HVL dette tiåret. Til å drive dette arbeidet arbeidet framover, både gjennom nasjonalt samarbeid med tilsvarande roller i andre UH-einingar, tett samarbeid med andre endringsprosjekt, og med superbrukarar i alle administrative einingar, søker vi prosjektleiar. Prosjektleiar vil inngå i det faglege organisasjonsutviklingsmiljøet, og rapportere til leiar for dette.

Prosjektleiar skal:

• Ta del i nasjonalt prosjektfellesskap
• Etablere og drive intern prosjektorganisasjon
• Ivareta dialog med intern informasjonsforvaltningseining
• Koordinere prosjektaktivitetar
• Sikre framdrift
• Informere styringslinja om ressursbehov og prosjektstatus

Formell utdanning og kompetanse:

• Mastergrad eller tilsvarande på relevant fagområde
• Prosjekterfaring frå større prosjekt
• God kjennskap til sakshandsamingsprosessar i UH-sektoren
• God kjennskap til prosessorientert tenestedesign
• God kjennskap til digitalisering som endringsdrivar

Personlege eigenskapar:

• Strukturert, effektiv
• Positiv kommunikasjonsform
• Inkluderande arbeidsstil
• God skriftleg og munnleg

• Gode pensjons-, forsikrings-, og låneordningar i Statens pensjonskasse
• Spennande fagmiljø med moglegheit for kompetanseheving - og utvikling
• Høve for trening i arbeidstida

Stillinga er løna etter Statens lønsregulativ, i stillingskode 1113 -  Prosjektleiar

Frå løna vil det bli trekt 2 % innskot til Statens pensjonskasse.

Send søknad og CV ved å klikke på knappen merka ”Søk stilling” på denne sida.

Det er søkjar sitt ansvar å sørgje for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsetjingar. Dersom vedlegga overskrid 50 MB må dei komprimerast før opplasting eller leggjast ved som lenkje.

Søknadar kan ikkje sendast på e-post til enkeltpersonar ved høgskulen.

Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.

Den statlege arbeidsstyrken skal i størst mogleg grad spegle mangfaldet i befolkninga. Det er derfor eit personalpolitisk mål å oppnå ei balansert alders- og kjønnssamansetjing og rekruttere personar med minoritetsbakgrunn, nedsett funksjonsevne og hol i CV. 

Wiggo Hustad, avdelingsleiar

e-post: Logg inn for å se kontaktinformasjon / tlf. Logg inn for å se kontaktinformasjon

Anne Cathrine Nyberg, seniorkonsulent

Logg inn for å se kontaktinformasjon / tlf. Logg inn for å se kontaktinformasjon

Samspel, berekraft og nyskaping skal kjenneteikne alt vi gjer.

Vi skal bli eit universitet med ein tydeleg profesjons- og arbeidslivsretta profil.