Logoped MORK REHABILITERINGSSENTER, Helse Møre og Romsdal

Midt i det beste Norge kan by på av fjord og fjell finn du Volda/Ørsta og Mork Rehabiliteringssenter. Her kan du oppleve dei ville og vakre Sunnmørsalpane, med alt frå enkle ruter og oppmerka stiar i flate fjelldalar til utfordrande klatreturar og fantastiske toppturar. Vi byr også på eit blomstrande kultur- og idrettsliv og eit framoverlent høgskule miljø. Det er gode kommunikasjonar med flysamband til Bergen og Oslo frå Ørsta/Volda lufthamn.

Mork Rehabiliteringssenter har no ledig ei 80% fast stilling som logoped, til denne stillinga søker vi deg som brenn for rehabilitering og som ynskjer å jobbe tverrfagleg i eit godt arbeidsmiljø.

Mork Rehabiliteringssenter er ein del av den spesialiserte rehabiliteringstenesta i Helse Møre og Romsdal. Vi legg vekt på rehabilitering med ei tverrfagleg tilnærming og høg fagleg kompetanse som byggjer på samhandling med pasient, pårørande og omgjevnadane.

Vi har 18 døgnplassar og gir tilbod om rehabilitering til pasientar med komplekse funksjonsvanskar. Aktuelle diagnosegrupper er hjerneslag, erverva hjerneskadar, multitraumer, følgjetilstandar etter kreft, nevrologiske lidingar og andre med behov for spesialisert rehabilitering.Rehabiliteringssenteret dekker eit stort geografisk område og tek imot pasientar frå sjukehusa og frå kommunane i Møre og Romsdal.

Arbeidsoppgåver

• Kartlegging, undersøking, behandling og rettleiing av pasientar som har vanskar med tale, språk, språklige symboluttrykk, stemme eller svelg
• Samordne tiltak i behandlinga, i samarbeid med andre faggrupper, familie og spesialisthelsetenesta
• Samarbeide med aktuelle hjelpeinstansar, t.d. hjelpemiddelsentralen, afasiforeininga og logopedar i kommunane
• Arbeid i grupper både med pasientar og pårørande
• Medverke til fagleg utvikling innan eige fagfelt og i dei andre faggruppene, m.a. ved å delta på internundervisning, kurs etc.

Kvalifikasjonar

• Master i logopedi
• Ønskjeleg med relevant jobberfaring frå spesialisthelsetenesta
• Gode munnlege og skriftlege norskkunnskapar

Personlege eigenskapar

• Må kunne arbeide sjølvstendig, men samstundes fungere godt i tverrfagleg samarbeid. 
• Dyktig til å samarbeide, motivere og skape gode interne og eksterne relasjonar 
• Evne til sjølvstendig og systematisk arbeid 
• Løysingsorientert og positiv

Vi tilbyr

• Faglege utfordringar innan rehabiliteringsfeltet
• Varierte arbeidsoppgåver i eit særs godt tverrfagleg rehabiliteringsmiljø
  
• Ein inkluderande arbeidsplass
  
• Løn etter gjeldande overeinskomstar
• Medlemskap i god offentleg pensjonsordning og fordelaktige forsikringsvilkår

Kontaktinformasjon

Arbeidssted

Nøkkelinformasjon: