2 rådgjevarar Helfo veiledning (Ørsta) HELFO

2 rådgjevarar Helfo veiledning (Ørsta)

Proaktiv seksjon

Helfo veiledning er ei avdeling med om lag 45 medarbeidarar fordelt på tre seksjonar. Vi held til i flotte lokale i Ørsta. Avdelinga har ansvar for handtering av publikumstenester, og våre veiledarar informerer og rettleier både profesjonelle og private brukarar frå hele landet på telefon og e-post. I tillegg har Helfo veiledning ein seksjon som har ansvar for proaktivt og førebyggjande kommunikasjonsarbeid mot helseaktørar.

Vi søkjer etter to rådgjevarar i fast stilling (100 %) i seksjonen som har ansvar for førebyggjande aktivitetar og informasjon til ulike grupper behandlarar og helseaktørarar. Oppgåvene til seksjonen er å kartlegge behov, innhente og analysere brukarinnsikt, gjennomføre førebyggjande aktivitetar for å påverke brukaratferd, samt evaluere og måle effektar av aktivitetane som vert utført.

Rådgjevar analyse

Vi har behov for å styrke kompetansen og kapasiteten vår innan analyse, metodikk og målingar.

Sentrale arbeidsoppgåver

• gjennomføre analyser og målingar/evalueringar
• utvikle metodar for analyser og vurderingar
• tilrettelegging av tilgjengelege data og rådgjeving innan statistikk og analyse
• drive prosessar og arbeidsgrupper
• gjennomføring av førebyggjande informasjonsaktivitetar
• samhandling med øvrige analysemiljø i Helfo

Kvalifikasjonar

Vi søkjer deg som er analytisk, strukturert og målretta. Du er ansvarsbevisst og har evne til å kunne planlegge og levere på tid. Evne til å jobbe sjølvstendig og ta eigne initiativ er eigenskapar vi set høgt, og gode samarbeidsevner og fleksibilitet er ein føresetnad. Du er kvalitetsbevisst og har stort fokus på utvikling og forbetring, og du har god skriftleg og munnleg framstillingsevne.

Vi ser helst at du har erfaring med å handtere og analysere datamengder, samt bruk av kvantitative og kvalitative metodar for å utføre målingar og analyser. Erfaring med kommunikasjonsarbeid og brukarfokus er ein fordel.

Du har utdanning på mastergradnivå eller bachelornivå. Utdanningsretning er fortrinnsvis innan analyse, metode, statistikk, økonomi eller liknande.

Rådgjevar prosess og brukarreiser

I arbeidet med førebyggjing og oppsøkande aktivitet overfor helseaktørar ser vi at brukarbehov og brukarinnsikt vert stadig viktigare. For å utforme gode og effektfulle tiltak må vi sjå sakene frå brukarane sin ståstad, og då er gode prosessar, utforming av brukarreiser og design av gode tenester viktig kompetanse. Vi ønskjer derfor å styrke kompetansen og kapasiteten vår innan prosessarbeid, brukarorientering og tenestedesign.

Sentrale arbeidsoppgåver

• prosessar og metodikkar for kontinuerlig forbetring av tenester og aktivitetar
• leie og koordinere prosessar knytt til planlegging og gjennomføring av aktivitetar
• kartlegge brukarreiser og gjere seg nytte av brukarinnsikt til forbetring av prosessar og som grunnlag for utvikling av tenester
• oppfølging og gjennomføring av førebyggjande aktivitetar

Kvalifikasjonar

Vi søkjer deg som er nytenkjande, kreativ, strukturert og utviklingsretta. Du legg stor vekt på brukarfokus og har kommunikasjonsfagleg og digital kompetanse. Evne til å jobbe sjølvstendig og ta eigne initiativ er eigenskapar vi set høgt, og du har god gjennomføringsevne. Gode samarbeidsevner og fleksibilitet er ein føresetnad. Du har ei strategisk tilnærming til arbeidet, stort fokus på utvikling og forbetring og medverkar til å skape eit innovativt miljø.

Du har relevant utdanning på mastergrads- eller bachelornivå. Vi ønskjer fortrinnsvis at du har eit teoretisk grunnlag i høve metodikk, prosessuelt arbeid, brukarinnsikt eller tenestedesign, men relevant erfaring rundt prosessarbeid vil kunne kompensere for utdanningsretning. Erfaring med kommunikasjonsarbeid og brukarfokus er ein fordel.

For begge stillingane kan vi tilby

• eit aktivt og engasjert arbeidsmiljø med fokus på kompetanse, kvalitet og service
• utfordrande arbeidsoppgåver i eit utviklingsorientert og kompetent fagmiljø
• godt arbeidsmiljø i nye lokale
• gode pensjons- og forsikringsordningar gjennom Statens pensjonskasse
• fleksitidsordning

Tilsetting i Helfo som rådgjevar (stillingskode 1434). Aktuelt lønnsspenn er kr. 474.400-517.700. For særleg kvalifiserte søkjarar kan stillingskode seniorrådgjevar og høgare løn vurderast.

Helfo ønskjer ei balansert alders- og kjønnssamansetning, og vi oppmodar spesielt menn om å søkje. Helfo vil og rekruttere fleire personar med redusert funksjonsevne og personar med innvandrarbakgrunn. Som IA-verksemd legg Helfo vekt på å legge til rette arbeidsforholda for personar med redusert funksjonsevne.

Helfo vil utarbeide offentleg søkjarliste for stillinga. Vi gjer merksam på at opplysningar om søkjaren kan bli gjort offentleg sjølv om søkjaren ønskjer å bli utelatt frå søkjarlista. Søkjaren vil i så tilfelle bli varsla om dette. Vi gjer merksam på at CV vert nytta i utvida søkjarliste.

Spørsmål om stillinga kan du rette til seksjonssjef Kari Melle, mobil 402 02 840.

Søknadsfrist: 1. desember 2017

For meir informasjon om Helfo, sjå www.helfo.no

Sted: Ørsta

Tiltredelse: snarast

Kontakter:
Kari Melle, , mob: 402 02 840

For elektronisk søknadsskjema:[Klikk her]



Adresse: 3104 TØNSBERG