To embete som tingrettsdommar ved Sogn og Fjordane tingrett Domstoladministrasjonen - Dommerstillinger

Det blir ledig to embete som tingrettsdommar ved Sogn og Fjordane tingrett. Den eine dommaren skal ha kontorstad i Førde, den andre i Sogndal. Tiltreding etter nærare avtale.

Sogn og Fjordane tingrett har for tida 18,2 årsverk, herav 9 dømmande og 9,2 saksbehandlarårsverk inkludert administrasjonssjef. Domstolen har kontor- og rettsstader i Førde og Sogndal, med hovudsete i Førde. Tingretten har også rettsstad på Nordfjordeid. I Sogndal og på Nordfjordeid er tingretten samlokalisert med jordskifteretten. Vi gjennomfører for tida ei ombygging i Førde med sikte på å ta i bruk nye lokale i samlokalisering med jordskifteretten våren 2020. Sogn og Fjordane tingrett er digital domstol.

Dommarane i Sogn og Fjordane tingrett må rekne med å gjere teneste ved alle rettsstadane.

Dei som blir utnemnt må utan erstatning finne seg i dei avgjerdene om endring som blir gjort i forretningskrinsen og organiseringa av domstolen. Det kan innebere samanslåing med andre domstolar og eventuelt bortfall av administrative oppgåver. Endring av tittel på grunn av det kan også skje. Omorganisering kan føre til eventuelle endringar som ny kontorstad.

Søkjarar må ha juridisk embetseksamen/universitetsgraden cand.jur eller master i rettsvitskap. Søkjarar må vere norske statsborgarar. Generell informasjon til søkjarane finn ein på. For kandidatar som blir innstilt krev ein uttømmande politiattest.

Etter at søknadsfristen er gått ut, vil offentleg søkjarliste vere tilgjengeleg på. I denne samanhengen viser vi til offentleglova § 25, andre leddet når det gjeld vilkåra for å bli utelaten frå søkjarlista.

• eit sjølvstendig og meiningsfylt arbeid med rom for fagleg utvikling
• eit omfattande introduksjonsprogram for nye dommarar
• årlege oppdaterings- og etterutdanningstilbod
• moglegheit for ein månads studiepermisjon kvart fjerde år
• gode pensjons-, forsikrings- og låneordningar i Statens pensjonskasse

Lønna for tingrettsdommar er per i dag kr. 1 148 000,-.
Frå lønna blir det trekt vanleg pensjonsinnskot til Statens pensjonskasse, for tida 2 %.

Ytterlegare opplysingar om embeta kan ein få ved å kontakte:

• Sogn og Fjordane tingrett v/sorenskrivar Terje Mowatt, tlf. Logg inn for å se kontaktinformasjon/ Logg inn for å se kontaktinformasjon
• Innstillingsrådet v/lagdommar Tonje Fisknes, tlf. Logg inn for å se kontaktinformasjon
• Domstoladministrasjonen v/avd.dir. Solveig Moen, tlf. Logg inn for å se kontaktinformasjon

Vi ber om at du legg søknad med CV inn i det elektroniske søknadsskjemaet på "Søk denne stilling". Alle attestar og vitnemål skal leggjast ved samla i eitt vedlegg. Vi ber om at du skriv i søknaden kvar du fyrst såg utlysinga.

Søknadsfrist 10. april 2019

Se annonsen og søk på stillingen