Vi søker etter spesialsjukepleiar med relevant erfaring innan lungesjukepleie til 100% fast stilling ved Eining for Behandlingshjelpemiddel (BHM).
BHM har ansvar for utlån og forvaltning av medisinsk-teknisk utstyr og tilhøyrande forbruksmateriell til pasientar som blir utskrevne med spesialisert heimebehandling. Eininga er organisert med to seksjonar; Seksjon for kliniske fag og Seksjon for logistikk og verkstad. Vi arbeider i nært samarbeid og rapporterer som ei felles eining - BHM. Eininga har 37 tilsette totalt og omfattar både sjukepleiarar, merkantilt personell, ingeniørar, lagermedarbeidarar, sjåførar, assistentar og stab. Vi samarbeider for å finne dei gode løysingane for våre pasientar og for å sikre ei effektiv drift.Vi arbeider mot heimebuande pasientar og deira interessentar, noko som gjer det viktig å ha forståing av heilskapleg behandling. Vi kommuniserer både direkte og indirekte med pasientar og deira nettverk/støtteapparat, og vi har ein glidande overgang frå dei kliniske avdelingane med høve for poliklinisk oppfølging hos oss. Vi tilbyr i tillegg våre pasientar ein heilskapleg teneste i form av vår bandasjistverksemd. Stillinga vil i hovudsak vere retta mot pasientar med respirasjonsutfordringar. I tillegg betener seksjonen pasientar innanfor fagområda diabetes og ernæring/dialyse/ smerte og dei tilsette må kunne arbeida på tvers av fagområda ved behov. Vi har fortløpande samarbeid med aktuelle kliniske avdelingar i sjukehuset. Fokus på heimebehandling er aukande og vår teneste mot heimebuande pasientar utviklar seg raskt, så dette eit høve til å arbeida i ein spennande satningsområde!
Arbeidsoppgåver:
- handtere pasientførespurnader via telefon og Helse Noreg
- behandle tilvisingar og sette i verk tiltak
- gjennomføre poliklinisk opplæring/undervisning i ulike behandlingshjelpemiddel
- ivareta datasystema våre knytta til utlevering av utstyr og forbruksmateriell
- ivareta tett dialog med avdelingar/klinikkar i sjukehuset og i førstelinjetenesta
- kvalitetssikre ein heilskapleg teneste frå oss
- arbeide i tråd med gjeldande nasjonale avtalar, forskrift om medisinsk utstyr og anna relevant lovverk
Du må:
- ha norsk autorisasjon som sjukepleiar
- ha vidareutanning med spesialkompetanse innanfor relevant fagområde
- ha gode datakunnskapar og raskt kunne tileigne deg nødvendig kompetanse innanfor dei ulike systema som vi nyttar
- ha god kommunikasjonsevne, både skriftleg og munnleg
- ha erfaring med arbeid i DIPS
- ha førarkort kl B
Det er en fordel om du har kunnskap om og erfaring med ulikt medisinsk-teknisk utstyr som blir nytta i heimebehandling innanfor angitte fagområde
Vi trenger deg som:
- har god fagleg vurderingsevne og er allsidig i kunnskapen din
- yter god service til alle våre interessentar
- evnar å prioritere i ein travel arbeidskvardag
- er målretta, konkret og strukturert i arbeidet ditt
- kan arbeide sjølvstendig, i team og tverrfagleg
- er positiv, har godt humør og medverkar til eit godt arbeidsmiljø
Vi tilbyr:
- lønn i samsvar med gjeldande overeinskomst
- fleksitid med kjernetid
- dagarbeid med fri i helgar
- godt arbeidsmiljø med dyktige kollegaer
- snarleg tiltreding
Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering
Kontaktinformasjon
Camilla Flindt, Einingsleiar, Logg inn for å se kontaktinformasjon,
Arbeidsstad
Solheimsgaten 13, Inngang A
5058 Bergen
Nøkkelinformasjon:
Arbeidsgivar: Helse Bergen HF
Stillingsprosent: 100%
Fast
Søknadsfrist: 06.04.2025
Adresse: Solheimsgaten 13, 5058 BERGEN
