Jobbnorge ID: 120743
Ved Statsarkivet i Bergen er det ledig mellombels stilling som prosjektmedarbeidar for 7 månader. Stillinga er eksternt finansiert og kan verte forlenga.
Arbeidsoppgåvene er knytt til ordning og katalogisering av arkivmateriale frå Fiskeridirektoratet.
Det er krav om høgare utdanning, helst med historie, arkivkunnskap eller dokumentasjonsvitskap i fagkrinsen, og krav om praksis frå tilsvarande arbeidsoppgåver i ein arkivinstitusjon og erfaring med bruk av arkivsystemet Asta. Arkivmaterialet krev god innsikt i arkivfaglege prinsipp og evne til å arbeide sjølvstendig, nøyaktig og strukturert. Personlege kvalifikasjonar og gode samarbeidsevner vil verte vektlagt.
Stillinga er plassert i stillingskode 1408 førstekonsulent, lønnstrinn 46 - 53 avhengig av kvalifikasjonar. Særskilt kvalifiserte søkjarar kan få vurdert høgare lønnsplassering. Vi vil tilsette i stillinga 1. mars. Engasjementet varer i utgongspunktet i 7 månader, men kan verte forlenga dersom vi får ekstern finansiering.
Vi kan tilby fagleg utfordrande arbeidsoppgåver, hyggeleg arbeidsmiljø og fleksibel arbeidstid med sommar- og vinterarbeidstid. Tilsette i Arkivverket har medlemskap i Statens Pensjonskasse.
Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål for Arkivverket å få ei balansert samansetjing. Alle kvalifiserte personar vert oppmoda om å søkja stillinga uavhengig av kulturell bakgrunn, alder eller funksjonsevne.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista jf offentleglova §25. Dersom oppmodinga ikkje blir teken til følgje, skal søkjaren varslast om dette.
Nærare opplysningar om stillinga kan ein få ved å ta kontakt med statsarkivar Yngve Nedrebø på tlf. 55 96 58 21.
Se annonsen og søk på stillingenwww.jobbnorge.no
Adresse: Årstadveien 22 5009 BERGEN
Web: http://www.arkivverket.no/arkivverket/Arkivverket/Bergen
