rådgjevar innan elektronisk arkiv og arkivdanning Stortinget

I kunnskaps- og dokumentasjonsavdelinga er det ledig fast stilling som rådgjevar i stortingsarkivet.

Stortingsarkivet si oppgåve er å bevare, gjere tilgjengeleg og formidle dokumentasjon knytt til Stortingets virke. Til dette høyrer også arkiv- og støttetenester til den daglege parlamentariske og administrative sakshandsaminga i Stortinget. Stortinget nyttar i dag arkiv- og journalsystemet Ephorte i kombinasjon med SharePoint i dette arbeidet.

Du vil inngå i stortingsarkivets vaktplan og hovudsakleg ha arbeidsoppgåver og ansvar innan felta:

• journalføring
• kvalitetskontroll
• brukarrettleiing og -oppfylging
• bidra til vidareutvikling av stortingsarkivet sine digitale løysingar og tenester
• fagleg rådgjeving innan dokumentasjons- og arkivspørsmål

Vi søkjer deg som har relevant høgare utdanning, minimum på bachelornivå, gjerne innan fagområde som arkiv- og dokumenthandtering og IT, med teoretisk forståing for og god praktisk kjennskap til arbeid med elektronisk arkivdanning og sakshandsaming.

Erfaring frå rettleiing og oppfylging av sakshandsamarar vert særskild vektlagt. Kjennskap til problemstillingar knytte til elektronisk arkivbevaring står også sentralt. Vidare er god skriftleg og munnleg framstillingsevne ein føresetnad.

Du må kunne samarbeide, og samstundes evne å arbeide sjølvstendig og ta ansvar.

For tilsetjing er det eit krav om tryggleiksklarering for <> etter sikkerheitslova.

Vi kan tilby ein innhaldsrik jobb i eit sterkt fagmiljø med inngåande kunnskapar om arkiv- og dokumenthandtering og om Stortingets parlamentariske verksemd og historie. Stillinga er lønna som rådgjevar for tida kr 552 400,- til 666 800,-. Frå løna vert det trekt 2 % innskott til Statens Pensjonskasse.

For stillinga gjeld 6 månader prøvetid. I samsvar med offentleglova kan opplysningar om ein søkjar verte offentleggjorde sjølv om søkjaren har reservert seg.

For nærmare opplysningar om stillinga kan spørsmål rettast til stortingsarkivar Egil Borlaug, tlf. Logg inn for å se kontaktinformasjon

Søknad og CV skal helst sendast elektronisk via denne sida "Søk på stillingen" innan 21. oktober 2019. Før utløp for søknadsfristen kan attestar og vitnemål eventuelt sendast per post til Stortingets HR_seksjon, 0026 Oslo. Attestar og vitnemål vert ikkje returnerte.

Se annonsen og søk på stillingen