Støttekontakt i Voss kommune/herad - treningskontakt Voss kommune

Voss kommune treng deg som har lyst til å bli støttekontakt / treningskontakt

Målet med støttekontakttenesta er å hjelpa menneske til å delta i sosial og meiningsfull fritid. Tenesta kan gis til born, ungdom eller vaksne, som ikkje kan delta på ulike fritidsaktiviteter på grunn av fysiske, psykiske eller sosiale avgrensingar.
Å vera støttekontakt er eit gjevande oppdrag, og fint å ha med seg på CV. Ein støttekontakt/treningskontakt er ein person som over tid kan hjelpa eit anna menneske til å bli meir trygg på seg sjølv, å takle ulike livssituasjonar betre og å omgås andre mennesker i større grad.

Info om det spesifikke oppdraget:

"Eg er ein jente på 32 år og bur i Bjørgamarki. Er på jobb fem dagar i veka som eg trivs veldig godt med. Eg er veldig glad i dyr og då spesielt hest og hund. Eg er og glad i film og musikk. Søker etter ein treningskontakt som kan vere med meg og kanskje er akkurat du den rette".

Me søkjer

Me søkjer deg som er engasjert og finn glede i å hjelpa andre menneske. Du må vera trygg på deg sjølv, fleksibel, ta initiativ til aktivitetar og ha gode samarbeidsevner. Du må kunne halde avtalar, setje grenser og vera profesjonell i høve rolla. Støttekontakten skal vera ein god rollemodell og fylgja reglar og lover.
Det er ikkje krav til fagleg bakgrunn. Det må leverast politiattest. For å bli støttekontakt må du ha fylt 18 år. Erfaring er ein fordel, men ikkje eit krav.

Me tilbyr

Rettleiing ved behov.
Oppdraget vert godtgjort per time.
Ein gir køyregodtgjersle etter statens satsar. Me dekker støttekontakt sine utgifter til eit avtalt beløp. Innvilga timer pr. månad vil variere. Støttekontaktar jobbar på oppdrag for kommunen, og er derfor ikkje fast tilsett. Ein har dermed ikkje rett på feriepengar eller sjukepengar. Støttekontaktar er ikkje knytt opp mot ordning om tenestepensjon, men opptent godtgjersle vert meldt inn til Folketrygda.

Søknad

Søk på stillinga ved å klikke på knappen til høgre. Hugs å gje opp referansar. Attestar og vitnemål skal leggjast ved elektronisk eller takast med ved evt. intervju.