Vi har for tida ledig stilling som sokneprest i Åsane prosti, med Hamre og Hosanger sokn på Osterøy som tenestestad.
Osterøy kommune er nabokommune til Bergen. Folketalet er litt over 8100, og stigande. Av desse er 6382 medlemmer av Den norske kyrkja pr. 1.sept. 2019. På Osterøy er det fem kyrkjesokn (Medlemstal i parentes): Hamre (1843), Hosanger (1158), Gjerstad (2064), Haus (1033) og Bruvik (285).
Stillinga som no er ledig har Hamre og Hosanger som tenestestad, men vil også vere tett knyta til arbeidet i dei tre andre sokna. Kyrkjene i Hamre og Hosanger er begge eldre bygg. Særleg merkar kyrkja på Hamre seg ut som ei særprega kyrkje frå rundt år 1600. Les meir om kyrkjene på øya og om kyrkjelydane på heimesidene: http://www.osteroy.kyrkja.no/
Osterøy ligg i Åsane prosti. Det er i alt 17 prestar i prostiet, inkludert prost og to fengselsprestar. Prosten leier prestetenesta i prostiet, og prestane vert kalla inn til jamlege samlingar for fagleg utvikling, åndeleg fellesskap og teambygging. Beredskapsområdet omfattar Åsane og Nordhordland prosti, og soknepresten vil bli tillagd beredskap.
I tillegg til to sokneprestar, er det for tida prostiprest i halv stilling. Prostipreststillinga er pt vakant, som følgje av dette er hovudansvaret for konfirmantarbeidet lagt til kateketvikar. I staben er det også kyrkjeverje, konsulent, trusmedarbeidar, to kantorar/organistar og kyrkjetenarar ved alle dei fem kyrkjene. Den kyrkjelege staben har kontor sentralt i Lonevåg som er administrasjonssenteret i kommunen. I tilknyting til kontoret er det også eit greitt møtelokale (Kyrkjesenter) for ein del av kyrkjelydsarbeidet og konfirmantarbeidet. Sjå nærmare info om kommunen her: http://www.osteroy.kommune.no/)
Statistikken for 2018 syner at det var 116 gudstenester på Osterøy. Det var 61 dåp, 62 gravferder, 12 vigsler og 68 konfirmantar. Soknepresten vil ta del i konfirmantarbeidet. Kommunen har ein stor institusjon, Osterøytunet, der prestane gjer teneste etter oppsett turnus.
Målforma på Osterøy er nynorsk. Elles varierer målforma i Åsane prosti mellom bokmål og nynorsk. Søkjarar må opplyse om dei nyttar begge målformene.
Vi gjer merksam på at opplysingar om søkjarane kan verte offentleg sjølv om søkjarane ber om å bli unnatekne offentleg søkjarliste. Opplysingar om samlivsform vil kunne bli innhenta og vektlagt ved tilsetjing. Den som blir tilsett, må vise tilfredsstillande politiattest (barneomsorgsattest jf. politiregisterloven § 39). Søkjar må ha førarkort klasse B og bør disponere bil.
Vi ber om at søknad med CV, vitnemål og referansar vert sendt elektronisk via WebCruiter.
Arbeidsoppgåver
- Gudstenester, kyrkjelege handlingar og institusjonsbesøk etter oppsett plan
- Medlem i sokneråda i Hamre og Hosanger
- Beredskap etter gjeldande ordning for Den norske kyrkje.
Kvalifikasjonar
- Cand.theol. med praktikum eller tilsvarande / Master i teologi og praktikum,
Personlege eigenskapar
Vi søkjer etter ein sokneprest som:
- Er ein tydeleg pastoral leiar for kyrkjelydane, gjennom fokus på gudstenestearbeidet
- Kan skape og utvikle nye møteplassar for alle aldersgrupper, i kyrkjene og i Kyrkjesenteret i Lonevåg.
- Samarbeider godt med frivillige organisasjonar i kommunen, og involverer lokale krefter i kyrkjelydsarbeidet
- Samarbeider tett i møte med kollegaer ved fordeling av tenesteveker og andre oppgåver som må løysast i fellesskap
- Har evne til å kommunisere med konfirmantar, born og unge
Vi tilbyr
- Innplassering i stillingskode 1555 sokneprest etter KAs tariffområde.
- Pensjonsinnskot i Statens pensjonskasse.
- Reiseutgifter vert godtgjort etter til ein kvar tid gjeldande regulativ.
- Til løna kjem særlege regulativmessige godtgjeringar
- Beredskap etter gjeldande ordning
- Arbeidsvegleiing (ABV).
Kontaktinformasjon
Øystein Skauge, prost, Logg inn for å se kontaktinformasjon
Cathrine Waaler Halstensen, Personalsjef, Logg inn for å se kontaktinformasjon
Arbeidssted
Lonevågen 5
5282 Lonevåg
Søk på stillingen:
Nøkkelinformasjon:
Arbeidsgiver:Den norske kirke
Referansenr.:Logg inn for å se kontaktinformasjon74 Stillingsprosent: 100% Søknadsfrist: 22.09.2019
