Jobbnorge ID: 145104
Ved Høgskulen på Vestlandet (HVL), er det ledig vikariat som høgskulelektor i mat og helse for perioden 1.8.18 - 31.7.19. Stillinga er knytt tilFakultet for lærarutdanning, kultur og idrett, campus Bergen.
Fakultet for lærarutdanning, kultur og idrett er ein av dei største lærarutdanningsinstitusjonane i landet med rundt 6000 studentar og 500 tilsette, og tilbyr barnehagelærarutdanning, grunnskulelærarutdanning for 1. - 7. og 5. - 10. trinn, praktisk-pedagogisk utdanning, bachelorutdanningar, masterutdanningar og ph.d.-program. Vi har eit omfattande etter- og vidareutdanningstilbod. Forskingsaktiviteten ved fakultetet er organisert i forskingssenter og -grupper. Fakultetet vert etablert frå 1.1.18 ved at tre avdelingar ved høgskulen blir slått saman.
Fakultetet har fire institutt, der mat og helse inngår i institutt saman med idrett, kroppsøving og naturfag. Mat og helse har per i dag 7 stillingar (1 professor, 5 førsteamanuensis, 1 høgskulelektor og 1 stipendiat). For studieåret 1. august 2018- 31. juli 2019 har vi ledig vikariat i ei 100 % stilling som høgskulelektor i mat og helse.
Ansvars- og arbeidsområder:
Undervisning og rettleiing i praktiske og teoretiske tema i mat- og helsefaget i grunnskulelærarutdanninga for 1.-7. og 5.-10. trinn. Det kan også vere aktuelt å knytte stillinga til praktisk undervisning i barnehageutdanninga, bachelorutdanninga i folkehelsearbeid og til etterutdanningsfag i mat og helse. Den som blir tilsett, vil også få ansvar for oppfølging av studentane når dei er ute i praksis.
Høgskulen har e-læring, nett- og samlingsbasert undervisning som satsingsområde, og den som blir tilsett må derfor kunne gje rettleiing og undervisning via digitale medium.
Kvalifikasjonskrav
Søkjarar må ha mastergrad i eit fag som har relevans for mat- og helsefaget, og praktisk- pedagogisk utdanning. Vi søkjer ein medarbeidar som har god kjennskap til mat- og helsefaget i skulen, og som kan gje studentane god fagdidaktisk opplæring i faget. Mat og helse er eit fagområde der det blir gitt kombinert teoretisk og praktisk undervisning. Det blir lagt vekt på at studentane skal utvikle gode praktiske ferdigheiter i matlaging og fagdidaktisk arbeid. Søkjarar som ikkje har pedagogisk utdanning, må kunne vise til praksis frå skulen.
Tilleggskrav:
Søkjarar bør ha god kjennskap til og helst erfaring frå undervisning i mat- og helsefaget eller frå andre delar av praksisfeltet til lærarutdanningane.
Særlege kvalifikasjonar innanfor skulerelatert fagleg utviklingsarbeid, undervisning og leiing vil bli tillagt vekt. Erfaring med digitale verktøy vil telje positivt. Den som blir tilsett må ha evne til både å arbeide sjølvstendig og saman med andre, ta ansvar, vise initiativ og ha gode formidlingsevner.
Søk på stillinga
Send søknad og CV ved å klikke på knappen merka "Søk denne stillinga»" på denne sida.
Som vedlegg til søknaden må søkjarar også laste opp attestar og vitnemål. Søknaden må også innehalde vedlegg som dokumenterer pedagogiske kvalifikasjonar. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsettingar.
Vi gjer merksam på at søknader blir vurderte med den informasjonen som ligg føre i Jobbnorge når søknadsfristen går ut. Det er søkjar sitt ansvar å sørge for at all informasjon er lagt inn innan fristen. Søknader kan ikkje sendast på e-post til enkeltpersonar ved høgskulen.
Aktuelle søkjarar til stillinga vil bli kalla inn til intervju.
Lønnsvilkår
Høgskulelektor blir lønt etter Statens regulativ kode 1008.
Høgskulen har tenestepensjonsordning og det vert trekt lovfesta innskot til Statens pensjonskasse.
Generell informasjon
Den som blir tilsett må rette seg etter dei lover, forskrifter, instruksar og avtaler som til ei kvar tid gjeld for stillinga.
Den statlege arbeidsstyrken skal i størst mogleg grad spegle mangfaldet i folket. Det er derfor eit personalpolitisk mål å oppnå ei balansert alders- og kjønnssamansetting og rekruttere personar med ulik nasjonal- eller etnisk bakgrunn.
Opplysingar om søkjar kan bli gjort offentleg sjølv om søkjar ber om ikkje å bli ført opp på søkjarlista. Dersom førespurnaden ikkje blir tatt til følgje, vil søkjar bli varsla om dette.
Høgskulen på Vestlandet er ei I/A-bedrift.
Hjemmeside
Kontaktpersoner:
Seksjonsleiar Eldbjørg Fossgard 55 5585959
Instituttleiar Frode Fretland 57 676378
Se annonsen og søk på stillingen
www.jobbnorge.noAdresse: Inndalsveien 28 5063 BERGEN