Hordaland fylkeskommune er skuleeigar for Fagskolen i Hordaland og har ansvar for å ivareta lokalt, regionalt og nasjonalt kompetansebehov knytt til fagskoleutdanning. Fagskolen i Hordaland er ei viktig regional utdanningsaktør i Hordaland og samarbeider tett med relevant arbeidsliv.
Fagskoleutdanning er høgare yrkesfagleg utdanning på nivået over vidaregåande utdanning. Ei fagskoleutdanning kan ha eit omfang på 30 til 120 / 180 studiepoeng. Som oppfølging av stortingsmelding 9 (2016-2017) <> blir det gjort store endringar for å løfte skuleslaget for at enda fleire skal velje ei yrkesfagleg høgare utdanning. Hordaland fylkeskommune ønskjer at fagskolen skal vekse og arbeide strategisk med å utvikle utdanningar i tråd med arbeidslivet sitt behov. Fylkestinget har også vedteke eit nytt bygg for fagskolen på Laksevåg saman med Laksevåg vidaregåande skule, og programmeringsfasen for ny-bygget er starta opp.
Fagskolen i Hordaland har fagskolestyret som styringsorgan, og rektor er skolen sin øvste administrative og faglege leiar. Fagskolen i Hordaland har om lag 1200 fagskolestudentar fordelt på 19 heiltids- og deltidsutdanningar og om lag 120 tilsette. I tillegg har Fagskolen både kursverksemd og oppdragsverksemd. Hovudadministrasjonen og dei tekniske og helsefaglege utdanningane er lokalisert i Haugeveien 28 på Nordnes. Dei maritime og petroleumstekniske utdanningane finn ein på Nedre Nygård, der Bergen Maritime videregående skole ligg i dag. Fagskolen har utdanningstilbod fleire stader, m.a. Voss med tilbod innan anlegg og Austevoll innan nautikk (dekksoffiser). På Hjeltnes i Ulvik kan ein studere for å bli arborist eller fordjupe seg innan Lokal Matkultur.
Fagskolen i Hordaland har eit stort og variert utval av utdanningar med tilbod innan maritime, tekniske, petroleumtekniske, grøne- og helsefag. Eit svært godt samarbeid med arbeidslivet og utdanningane skal utviklast vidare og ha yrkesrelevans i samsvar med lovkrav. Innovasjon og utvikling av nye studietilbod ut frå behov for kompetanse og arbeidskraft er sentrale oppgåver for Fagskolen. Fagskolen samarbeider med vidaregåande skolar og høgskolar både i høve til fagleg utveksling, sambruk av relevant utstyr og rekruttering av studentar.
Les meir her https://www.hordaland.no/fagskole
Arbeidsoppgåver
- Vi søkjer etter ein rektor som:
- Leiar og utviklar skolen i samsvar med styret sitt ansvar for studentane sitt læringsmiljø, kvalitet i utdanninga og fylkeskommunen sitt samfunnsoppdrag i høve til innovasjon, kompetanse og arbeidskraft.
- Legg til rette for å utnytte fagleg kompetanse, gir rettleiing og støtte i arbeidet med å byggje fellesskap i organisasjonen med sikte på gode læringsprosessar for studentane.
- Utøver strategisk leiing og legg til rette for utviklingsprosessar, kompetanseutvikling, læring og kulturbygging i fagskolen som organisasjon.
- Er oppteken av å halde ved like og skape eit attraktivt arbeidsmiljø prega av respekt, tillit og dialog.
- Saman med leiargruppa skal ein ha ein open kommunikasjon med rom for nytenking. Leiinga skal vektlegge samarbeid med arbeidstakarorganisasjonane.
- Har eit avklart forhold til rolla som arbeidsgjevar med god forståing av lov og avtaleverk, og arbeider i samsvar med vedtak i fagskolestyret, samt politiske og administrative vedtak.
- Tek avgjerder og følgjer opp vedtak ved å gjennomføre endringar / endringsprosessar slik at fagskolen kan tilpasse seg til oppgåver og kontekst til ei kvar tid.
- Vidareutviklar føremålstenlege overgangar mellom fagskole og høgskolar, samt gode samarbeidsmodellar med relevant næringsliv og kompetansemiljø.
- Har reflekterte visjonar, god fagleg forankring og evne til å forankre endringar på ein god måte i organisasjonen.
Kvalifikasjonar
- Rektor må ha god kjennskap til fagskolelova, anna relevant lov- og avtaleverk, samt NOKUT sine krav til kvalitet i utdanninga. Det er også ønskjeleg at rektor har pedagogisk kompetanse.
- Utdanning innan leiing og organisasjonsutvikling er ønskjeleg. Erfaring frå vidaregåande opplæring, fagskole eller høgskole er ein fordel. Erfaring frå organisasjons- og leiararbeid vert lagt vekt på.
- Alle nytilsetjingar i Hordaland fylkeskommune vert gjort med ei prøvetid på 6 månader.
Personlege Eigenskapar
- Har nødvendige leiareigenskapar.
- Er sosial og inkluderande og byggjer gode relasjonar
- Har stort engasjement og evne til å motivere
- Har gode kommunikasjonsevner og evne til samarbeid
- Er reflektert og resultat- og løysingsorientert
- Arbeider strukturert og systematisk
Vi tilbyr
- Gode offentlege pensjons- og forsikringsvilkår
- Vi har for tida lyst ut fleire stillingar som rektor. Dersom du er interessert i ei eller fleire av dei andre stillingane ber vi deg gjere oss merksam på dette på slutten av søknaden din.
- Vi gjer merksam på at i følgje offentleglova § 25, 2. ledd kan opplysningar om søkjaren verte offentleggjort sjølv om søkjaren har oppmoda om ikkje å bli ført opp på offentleg søkjarliste. Søkjaren vil alltid bli varsla på førehand dersom søkjarlista vert offentleggjort.
Andre opplysningar
- Noe reisevirksomhet må påregnes
Kontaktinformasjon
Hillevi Elizabeth Runshaug, regionleiar, Logg inn for å se kontaktinformasjon
Arbeidsstad
Bergen
Nøkkelinformasjon:
Annonsør:Hordaland fylkeskommune
Stillingsbrøk: 100%
Fast
Startdato: 01.08.2019
Tal på stillingar: 1
Søknadsfrist: 06.03.2019
For elektronisk søknadsskjema:
Adresse: Bergen
