Er du den vi ser etter?
Har du lang erfaring med prosjektleiing frå store samferdselsprosjekt og kan tenke deg nye utfordringar i eit megaprosjekt der du jobbar med både veg og bane for to av dei største byggherrane i landet? Då er denne stillinga noko for deg!
Fellesprosjektet Arna-Stanghelle (FAS) er Norges største tunnelprosjekt og eit samarbeidsprosjekt mellom Statens vegvesen og Bane NOR. Det skal byggast nesten 80 km tunnel som eit tunnelsystem for veg og bane med felles rømningskonsept og tekniske løysingar. Prosjektet omfattar to nye jernbanestasjonar og nye kryssløysingar for veg i dagsonene. Ny veg- og banestrekning vil vere rassikker, trygg og driftssikker. Den vil redusere reisetida og auke kapasiteten for både veg og bane.
Byggestart er planlagt i 2025, og prosjektet vil gjennomførast med felles organisering, prosjektering og bygging mellom Statens vegvesen og Bane NOR.
Er du fagleg sterk, resultatorientert og har god gjennomføringsevne?
Du kjem til å ha ansvaret for alle avtalane knytta til prosjektering i FAS. Oppgåva di blir å sørge for at desse vert gjennomførte trygt, innanfor budsjettet for ditt område, i tråd med tidsplanen for Fellesprosjektet og med rett kvalitet. Dette krev ein metodisk og systematisk tilnærming; du må planlegge framover, gjere prioriteringar og fordele ressursane effektivt. Du brenn for å finne betre måtar å gjere ting på, er villig til å lære, nysgjerrig og løysingsorientert.
Om du blir motivert av å jobbe saman med dedikerte kollegaer og har ein stor arbeidsglede, vil du vere ein viktig bidragsytar til eit godt arbeidsmiljø internt og gode relasjonar eksternt. Du må ha forståing for utfordringane knytte til å vidareutvikle ein felles arbeidskultur for tilsette frå to ulike byggherreorganisasjonar, noko som vil utfordre dine kommunikasjonsevner. Arbeide med dedikerte kollegaer krev at du har fokus på overføring av erfaringar og utnytting av kompetanse.
Kompetansekrav
Minimum 3-årig relevant utdanning frå universitet eller høgskule innanfor relevant fagområde. Ved lang og relevant erfaring kan utdanningskrav i særskilde tilfelle fråvikast.
Solid erfaring frå tilsvarande leiingsfunksjonar, fleirfaglig koordinering og planlegging av store utbyggingsprosjekt.
Dersom du har tatt hele eller deler av utdanningen din i utlandet, anbefaler vi en autorisert oversettelse av dine papirer og godkjenning fra HKDIR (https:hkdir.no/utdanning-fra-utlandet).
Du kjenner deg att i fleire av desse punkta:
- God forståing for byggherrerolla
- Allsidig kunnskap innan fagområde og er medvite eigne faglege avgrensingar
- Kjennskap til og forståelse av nødvendige krav, herunder lover og standarder, relevant for prosjektet
- Erfaring i bygging av tverrfaglege team
- God kunnskap innan bruk av digitale verktøy
- Kompetanse i kontraktsleiing og offentlege innkjøp
- Erfaring med verktøy for prosjektstyring og samhandling
- Sterke kommunikasjonsevner på norsk og engelsk, både skriftleg og munnleg
- Innsikt i fleire fagområde og erfaring med å handtere grensesnittet mellom dei på ein effektiv måte
Ansvarsområda dine vil vera:
- resultatansvarleg for prosjekteringsarbeidet i FAS
- ansvar for innkjøp og oppfølging av rådgivingskontraktane i FAS
- personalansvar og oppgåveleiaransvar
- ansvar for oppbygging, leiing, utvikling og ressursstyring av eiga linje i prosjektorganisasjonen
- ansvar for å presentere prosjektet saman med Prosjektsjef mot eksterne interessentar
- ansvar for rapportering i samsvar med vedtekne rutinar for eige ansvarsområde
- ansvar for at styresmaktskrav knytta til prosjektering blir ivaretekne
- ansvar for koordinering med andre faggrupper og tekniske etatar
Me forventar at du:
- vil vere ein aktiv deltakar i leiargruppa i prosjektet
- planlegg bemanning og tek personal- og oppgaveleiaransvaret for eiga linje
- følgje opp avvik og at endringar frå regelverk og vedtekne planar blir kvalitetssikra og godkjent
- sørge for at sikkerheita blir i samsvar med lover, forskrifter og styringssystem
- jobbar proaktivt med kostnads- og klimagassreduserande tiltak i prosjektet, og at du fremjar eventuelle forslag til endringar
- sikrar god kommunikasjon, både internt, og med våre leverandørar og interessentar
- bidreg til teamutvikling og rett målforståing
- bidreg til at Statens vegvesen og Bane NOR sitt omdømme vert teke vare på og styrka gjennom prosjektets varigheit
Kvifor skal du velje oss?
Som tilsett i dette prosjektet vert du ein viktig del av både Statens vegvesen og Bane NOR. Dette spennande prosjektet strekk seg over ein periode på 10 år frå byggestart, og gir deg eit unikt høve til å jobbe for to av Norges største byggherrar samtidig. Her vil du aktivt påverke samfunnsutviklinga knytt til eit svært etterlengta samferdselsprosjekt.
Vi tilbyr deg også desse goda:
- fleksitid og gode ordningar for å avspasere
- god pensjonsordning og moglegheiter for lån i Statens pensjonskasse
- moglegheit for trening i arbeidstida eller støtte til treningsaktivitet
- gode moglegheiter for fagleg påfyll
Lønn blir avtalt i samsvar med lønnspolitikken vår.
Krav til søknaden
Fyll ut felta "Utdanning" og "Arbeidserfaring" og last opp relevante vitnemål og eventuelle attestar.
Positiv særbehandling
Statens vegvesen er opptekne av mangfald og ynskjer å vere ein inkluderande arbeidsplass som speglar befolkninga. Vi har behov for medarbeidarar med ulike bakgrunn, erfaringar, kompetanse og perspektiv for å løysa samfunnsoppdraget vårt. Vi oppmodar difor alle kvalifiserte kandidatar til å søkje. Dersom det er kvalifiserte kandidatar med funksjonsnedsetjing, hol i CV-en eller innvandrarbakgrunn, vil vi kalla inn minst éin søkjar frå kvar av desse gruppene til intervju. For at du skal bli vurdert som søkjar i desse gruppene (bli positivt særbehandla), må du oppfylla visse krav. Du kan lesa meir om positiv særbehandling på arbeidsgivarportalen.
Søkjarlista er offentleg
Dersom du ynskjer å reservere deg frå oppføring på offentleg søkjarliste, må dette grunngjevast. Viss vi ikkje kan ta ynsket ditt til følgje, tek vi kontakt med deg. Send inn søknad her.
Har du spørsmål om stillinga?
Kontaktperson: Katrine Sælensminde Erstad
Stillingstittel: Prosjektsjef Fellesprosjektet Arna-Stanghelle
Telefon: 41 68 09 12
