Jobbnorge ID: 89473
Ved Det psykologiske fakultetet vert det utlyst ei stipendiatstilling knytt til ”Prosjekt dobbelkompetanse i psykologi”, i eit samarbeid med Bjørgvin distriktspsykiatriske senter,
Helse Bergen HF.
Det psykologiske fakulteter eit breddefakultet med ca. 1600 studenter fordelt på mange ulike studieprogram. Fakultetet har profesjonsutdanning i psykologi, samt bacherlor- og masterutdanning innanfor arbeids- og organisasjonspsykologi, generell psykologi, helsefremjande arbeid, logopedi, pedagogikk, barnevern og kjønns- og utviklingsstudiar. I tillegg har fakultetet ansvar for pedagogikk i den integrerte lærerutdanninga ved UiB, praktisk pedagogisk utdanning og universitetspedagogikk for tilsatte ved UiB. Fakultetet har også etablert tre forskarskolar, og fakultetet sine tilsette driv omfattande forsking av høg internasjonal kvalitet.
"Prosjekt dobbelkompetanse i psykologi” er eit nasjonalt rekrutteringsprosjekt for stillingar som krev dobbelkompetanse innan psykologi. Med dobbelkompetanse vert det meint dokumentert forskingskompetanse (avlagt doktorgrad) og spesialistkompetanse (godkjent spesialist innan kliniske område, Norsk Psykologforening). Prosjektet starta i 2004 og Kunnskapsdepartementet har i tildelingsbrev for 2011 til dei fire involverte universiteta vist til at stipendiatstillingar øyremerka dobbelkompetanseutdanning i psykologi framleis skal brukast innan dette området, og at aktiviteten skal vidareførast på same nivå. Finansieringa av den kliniske delen av rekrutteringsstillingane skjer no ut frå regionale samarbeidsavtalar mellom dei aktuelle psykologiske fagmiljøa og aktuelle helseføretak.
Rekrutteringsstillingane består av to sjølvstendige delar: ein stipendiatperiode på 3 år og ein spesialistkandidatperiode på 4 år. Tilsetjing i stipendiatstillingane skjer med Det psykologiske fakultet som arbeidsgjevar, medan tilsetjing i spesialistkandidatstillinga ved denne utlysinga skjer med Bjørgvin distriktspsykiatriske senter, Helse Bergen som arbeidsgjevar.
Den som vert tilsett må vera cand. psychol. eller ha ei tilsvarande utdanning som gjev autorisasjon som psykolog i Norge. I samsvar med planen for rekrutteringsprosjektet vil søkjarar som har fullført meir enn to år av spesialistopplæringa på tidspunktet for utlysinga ikkje vera aktuelle.
Prosjekt som tek opp problemstillingar knytt til terapeutassistert sjølvhjelp vil verta prioritert.Det vil bli lagt vekt på tematisk eller metodisk nærleik mellom forskingsprosjekt og klinisk spesialisering, men dette er ikkje noko absolutt krav.
Søkjaren må saman med søknad på stillinga senda utfylt søknadsskjema om opptak til den organiserte forskarutdanninga. Rettleiing for søkjarar til stipendiatstillingar ved UiB finn ein på denne lenka:
http://www.uib.no/psyfa/forskning/forskerutdanning-ved-det-psykologiske-fakultet/opptaksinformasjon/veiledning-for-sokere-til-stipendiatstillingSkjema for opptak finn ein på denne lenka:
http://www.uib.no/psyfa/forskning/forskerutdanning-ved-det-psykologiske-fakultet/opptaksinformasjon/soknad-om-opptak-til-organisert-forskerutdanningUtkast til plan for gjennomføring av forskarutdanninga og prosjektskildring skal liggja føre samstundes med søknaden. Prosjektskildringa på 8-10 sider skal innehalda ein kortfatta litteraturgjennomgang som viser at søkjaren kjenner området og kan trekkja
fornuftige konklusjonar frå tidlegare forsking. Stadfesting frå forskingsgruppe og rettleiar er naudsynt, og det ventast at forskingsgruppa tek aktiv del i utforminga av prosjektet.
Ved vurdering av prosjekta for opptak i forskarutdanninga vert det lagt vekt på følgjande: Problemstillingar og/eller hypotesar skal vera avgrensa. Prosjektet skal basera seg på gjennomførlege metodar, og prosjektet skal såframt det er mogleg nytta seg av etablerte metodar på feltet. Den del av prosjekttida som er tenkt nytta til "metodeutvikling" skal normalt vera minimal. Prosjektet skal ha ein realistisk progresjonsplan og kunna gjennomførast innan avsett tid/stipendperiode. Ved vurdering av søkjaren skal det leggjast særleg vekt på skriftlege arbeid i tillegg til hovudoppgåva/masteroppgåva. Forsking og praksis av relevans for doktorgradsarbeidet i studietid og/eller etter avslutta studium skal gje utteljing ved vurdering av aktuelle søkjarar.
Før tilsetjing vil aktuelle søkjarar verta innkalla til intervju.
Utfyllande opplysingar om stillinga kan ein få ved å vende seg til prodekan for forsking, professor Inger Hilde Nordhus (e-post:
Inger.Nordhus@psykp.uib.no) eller seniorkonsulent Arild Mellesdal (tlf. 55 58 83 56 / e-post:
Arild.Mellesdal@psyfa.uib.no).
Løn som stipendiat etter lønssteg 50 (kode 1017/LR20.8) ved tilsetjing. Vidare opprykk skjer etter tenesteansiennitet i stillinga. Den som vert tilsett må retta seg etter dei retningslinene som til ei kvar tid gjeld for stillinga.
Spesialistutdanninga skjer ved psykiatrisk divisjon, Helse Bergen i stilling som spesialistkandidat. Det skal leggjast fram ein plan for spesialistutdanninga som presiserer kva for spesialitet/fordjupingsområde som er siktemålet, samt ein tentativ plan for fordeling av tid i doktorgradstipend og som spesialistkandidat for dei 7 åra. Planen for spesialistutdanning skal vurderast av Norsk Psykologforening. Løn som spesialistkandidat vert avtalt særskilt med helseføretaket.
Søknaden skal innehalda:- søknad og cv
- prosjektskildring
- stadfesta kopiar av vitnemål og attestar
- vitskaplege arbeid og liste over desse
- søknad om opptak til den organiserte forskarutdanninga
- stadfesting frå forskingsgruppe og rettleiar
Publikasjonane må vere på skandinavisk eller engelsk. Søknaden skal sendast med vedlegg elektronisk via JobbNorge ved å klikke på «søk stillingen».
Søknader som vert sendte på e-post vert ikkje vurdert.
Søknadsfrist:
16.02. 2013Søknaden skal merkast:
12/13673Dersom nokre av dei vitskaplege arbeida ikkje let seg leggje inn elektronisk, ber vi om at dei sendast i fire (4) eksemplar til Det psykologiske fakultet, Universitetet i Bergen, Postboks 7807, 5020 Bergen, poststempla innan søknadsfristen.
Om rekruttering i statlege stillingar:Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å få ei balansert alders- og kjønnssamansetjing og rekruttere personar med innvandrarbakgrunn. Personar med innvandrarbakgrunn vert oppmoda til å søkje stillinga. Universitetet i Bergen nyttar "meiroffentleg innsyn" ved tilsetjing i vitskaplege stillingar.
Den som vert tilsett må retta seg etter dei retningslinene som til kvar tid gjeld for stillinga. Universitetet i Bergen nyttar «meiroffentleg innsyn» ved tilsetjing i vitskaplege stillingar. Opplysningar om søkjaren kan verte gjort offentlege, sjølv om søkjaren har oppmoda om ikkje å verte ført på søkjarlista. Dersom oppmodinga ikkje vert teken til følgje, skal søkjaren varslast om dette.
Se annonsen og søk på stillingen
www.jobbnorge.no
