I Statens vegvesen Region vest, Ressursavdelinga, har vi ledig stilling som landskapsarkitekt/landskapsingeniør på Prosjekteringsseksjonen på Leikanger.
Prosjekteringsseksjonen høyrer inn under Ressursavdelinga i Region vest som har eit samla fagmiljø med 220 medarbeidarar. Vi utfører veg-, gate- og tunnelplanlegging på store og små investeringsprosjekt via eigenplanlegging eller bruk av konsulentar.
Ønskjer du å bruke din kompetanse til å påverke utforming av veg- og gateprosjekt, kan vi by på mange spanande utfordringar!
Arbeidsoppgåvene / ansvarsområde for stillinga
Varierte oppgåver innan fagfeltet og nærliggande fagområde. Oppgåvene kan tilpassast erfaring og kompetanse.
Kjerneoppgåvene er:
- Prosjekteringsarbeid med landskapstilpassing og estetisk utforming i veg, gate og tunnelprosjekt
- Samarbeid med vegplanlegger/konstruksjonsplanlegger om val av løysingar
- Utarbeiding av teikningsgrunnlag, 3D-visualisering og skildrande tekst for innhenting av tilbod frå entreprenør
- Utarbeiding av ytremiljø-planar for prosjekteringsoppdrag og utbyggingsprosjekt
- Innkjøp og styring av konsulentoppdrag innan fagområdet landskap
- Fagleg oppfølging i byggefasen
Nokre aktuelle fagtema er: terrengbehandling, tilpassingar/overgangar, materialbruk og utforming, planteplanar, detaljteikningar, rådgiving ved utforming av støytiltak, rådgiving ved tiltak hos privatpersonar med meir.
Kvalifikasjonskrav:
- Eksamen frå universitet eller høgskule innan landskapsarkitektur eller landskapsingeniør
- Gjerne erfaring frå deltaking i planlegging eller prosjektering av vegar, men vi oppmodar og nyutdanna landskapsarkitektar til å søkje
- Landskapsingeniør med erfaring frå deltaking i planlegging eller prosjektering av vegar
- Ønskeleg med talent for, og erfaring med visualisering og illustrasjon, samt 3D-visualisering
- Ønskeleg med erfaring i bruk av dataverktøy i planlegging og prosjektering (AutoCAD, Novapoint, Photoshop, Illustrator, Virtual map eller liknande program)
Dersom du har teke heile eller deler av utdanninga di i utlandet, tilrår vi at den er godkjend av NOKUT(www.nokut.no).
For kandidatar med sterk og allsidig praksis frå dei aktuelle fagområda og med gode personlege føresetnader for stillinga, kan ein fråvike kravet til utdanning.
Personlege eigenskapar:
- Initiativrik, sjølvstendig, fagengasjert og resultatorientert
- Gode kommunikasjons- og samarbeidsevner
- Bidra positivt til eit godt arbeidsmiljø
- God sjølvinnsikt og høg integritet
Ein god og mangfaldig arbeidsplass
Statens vegvesen er ein arbeidsgjevar som er oppteken av tydlege og trygge rammer for våre medarbeidarar. Vi har eit regelverk som sikrar medarbeidarane sine rettar, og sjølv om det til tider er hektisk hos oss og arbeidsmengda kan vere stor, legg vi vekt på at ein har moglegheit for fleksibel arbeidstid. Vi ønskjer at du skal kunne kombinere jobb og fritid på ein god måte.
Vi tilbyr løn etter nærare avtale i høve til etaten sin lønspolitikk. Det vert trekt 2 % pensjonsinnskot til pensjonsordning i Statens pensjonskasse.
