Praksislærarstillingar i medie- og interaksjonsdesign ved Media City Bergen Universitetet i Bergen

Jobbnorge ID: 143473

Medieinnhald blir i dag produsert med digitale verkty, og mediebruk er i aukande grad brukarstyrt og knytt til interaktive løysingar og on-demand-tenestar. Vårt bachelor- og masterprogram i medie- og interaksjonsdesign gjer studentane i stand til å forstå kva brukarane treng i slike situasjonar, og gjer dei i stand til å designe løysingar for interaksjon som gjer medieproduksjon effektivt og mediebruk brukarvennleg. Gjennom utdanninga får studentane kunnskap om interaksjonsdesign og digitale grenseflatar som sikrar inkluderande og intuitiv menneske-maskin interaksjon og positive brukaropplevingar knytt til medieproduksjon og mediebruk, inkludert web, mobile løysingar og spel.

Vi søkjer personar som kan undervise på bachelor- og/eller masternivå innan medie- og interaksjonsdesign. Søkjarar bør ha praktisk erfaring med å jobbe i tverrfaglege team som inkluderer båe utviklarar og UX-/interaksjonsdesignarar. Stillingane er faste, og kan kombinerast med eksisterande stilling.

Vi utvidar praksislærararstaben knytt til bachelor- og masterutdanninga i medie- og interaksjonsdesign. Vi søkjar praksislærarar til faste stillingar som universitetslektor, evt høgskulelærar, knytt til medie- og interaksjonsdesign innan følgjande område:

• Front-end- og back-end-utvikling (20% stilling eller meir)
• Interaksjonsdesign, prototyping og brukartesting (20% stilling eller meir)

Det er ønskjeleg at søkjar òg har kompetanse innan metodar for softwareutvikling (t.d. lean metode og design thinking), app-utvikling, webdesign og grafisk design, prosjektleiing, forretningsutvikling, brukaranalyse og brukarsentrerte designprosjekt, databasehandsaming, 3D-modellering, spillteknologi, eller visualisering. Eksperimentell utprøving av teknologi er ein viktig del av utdanninga, og slik erfaring vil telle positivt, særleg knytt til dronar, 3D-printing, eye-tracking og anna avansert utstyr.

Kompetanse innan fleire av områda er ein fordel, og for særleg kvalifiserte søkjarar er det er mogleg å kombinere fleire kompetanseområde til større stillingsprosentar.

Vi inviterer søkjarar å setje seg inn i studieprogramma, deira innhald og oppbygning på:

http://www.uib.no/studieprogram/BASV-MIX

http://www.uib.no/studieprogram/MASV-MIX

Arbeidsoppgåver:

• Undervisning, fortrinnsvis som praktiske workshopar og rettleiing.
• Vidareutvikling av studietilbodet.
• Eksamensarbeid.
• Kontakt med gjestelærarar og bransje/praksisfelt.

Kvalifikasjonar:

• Minimum bachelorgrad innan relevant fagfelt.
• Undervisnings-/opplæringserfaring er ein fordel.
• Vi vil leggje stor vekt på at den som vert tilsett er personleg eigna for stillinga. Samarbeidsevne, motivasjon og ambisjonar for eiga undervisning vert tillagt vekt.

Praksislærarane vil samarbeide tett med fagleg leiar og vitskapleg tilsette ved bachelor- og masterprogramma i medie- og interaksjonsdesign.

Vi kan tilby

• Godt fagleg og sosialt miljø med høg kvalitet på undervisning og forsking.
• Søkjar med mastergrad vil bli lønna som universitetslektor etter lønssteg 47- 59 i det statlege regulativ, (kode 1009/LR25) pt NOK 415 200,- - NOK 507 100,- per år. Søkjar med bachelorgrad vil bli lønna som øvingslærar etter lønssteg 41- 58 i det statlege regulativ, (kode 1007/LR23) pt NOK 379 700,- - NOK 498 00,- per år. For spesielt godt kvalifiserte søkjarar kan høgare løn vurderast.
• Gode trenings- og velferdstilbod.

• Gode pensjons- og forsikringsordningar i Statens pensjonskasse.

Aktuelle kandidatar vil bli innkalla til intervju.

Søknad

Søknad med CV, vitnemål og attestar skal leggjast inn elektronisk via link på"Søk på jobben".Søknaden må innehalde alle opplysningar som det skal takast omsyn til ved bedømming av dei faglege kvalifikasjonane.

Søknaden skal merkast:17/12641

Søknadsfrist:5. november 2017

Søknader som vert sendt på e-post vil ikkje bli vurderte.

Til informasjon

Spørsmål rundt stillingane kan rettas til administrasjonssjef Carina Ottesen,carina.ottesen@uib.no, eller telefon55 58 91 01.

Praktiske spørsmål kring søknadsprosessen kan rettast til seniorkonsulent Bodil Hægland,bodil.hagland@uib.noeller telefon 55 58 90 53.

Den statlege arbeidsstyrken skal i størst mogleg grad spegle mangfaldet i folket. Det er difor eit personalpolitisk mål å få ei balansert alders- og kjønnssamansetning, og å rekruttere personar med nedsett funksjonsevne og innvandrarbakgrunn. Personar med nedsett funksjonsevne og innvandrarbakgrunn vert oppmoda om å søkje stillinga.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teken til følgje, skal søkjaren varslast om dette.

Universitetet i Bergen nyttar prinsippet om meir offentleg innsyn ved tilsetjing i vitskaplege stillingar.

Den som vert tilsett må rette seg etter dei retningslinene som til kvar tid gjeld for stillinga.